Sumala kan Marcos 16:1-8
-
Ginbanhaw hi Jesus (1-8)
16 Salit katapos han Sabbath,+ hi Maria Magdalena, hi Maria+ nga nanay ni Santiago, ngan hi Salome namalit hin maghamot nga mga herba* basi kumadto ha lubnganan ngan ibutang ito ha lawas ni Jesus.+
2 Ngan temprano pa gud han siyahan nga adlaw han semana, han sinirang na an adlaw, kinadto hira ha lubnganan.*+
3 Nagsiring hira ha usa kag usa: “Hin-o an magpapakaliding han bato tikang ha ganggang han lubnganan para ha aton?”
4 Kondi pagkita nira, ginpakaliding na an bato, bisan kon daku gud ito.+
5 Pagsulod nira ha lubnganan, nakakita hira hin batan-on nga lalaki nga nalingkod ha too nga dapit, nga nakasul-ot hin busag nga hilaba nga bado, ngan nahipausa gud hira.
6 Nagsiring hiya ha ira: “Ayaw kamo kahipausa.+ Ginbibiling niyo hi Jesus nga Nazareno nga ginpatay ha kahoy. Ginbuhi hiya.+ Waray hiya dinhi. Kitaa, dinhi nira hiya iginbutang.+
7 Kondi lakat kamo, sumati an iya mga disipulo ngan hi Pedro, ‘Mag-uuna hiya ha iyo ngadto ha Galilea.+ Makikita niyo hiya didto, sugad han ginsiring niya ha iyo.’”+
8 Salit paggawas nira, pinalagiw hira tikang ha lubnganan, nga nangungurog ngan nahipapausa gud. Pero waray hira magsumat hin bisan ano ha bisan hin-o, kay nahahadlok hira.*+
