Genese 5:1-32
5 Ngun ka takeda u yiase i Adam je ne. Sha iyange i Aôndo gba Adam la, a gba un sha ibyeen i Aôndo.+
2 Lu nomsoor man kwase a gba ve ye.+ Sha iyange i a gba ve la+ a ver ve doo doo, shi a ii ve iti ér Or.*
3 Adam tsa anyom 130 maa a mar wan sha ibyeen na, lu er un nahan, a ii un iti ér Setu.+
4 Adam maren Setu kera yô, a hide a tsa anyom 800. Shi a mar ônov mba nomso man mba kasev.
5 Nahan ayange a Adam tsa sha won cii yô kohol lu anyom 930, maa a kpe.+
6 Setu tsa anyom 105 maa a mar Enoshi.+
7 Setu maren Enoshi kera yô, a hide a tsa anyom 807. Shi a mar ônov mba nomso man mba kasev.
8 Nahan ayange a Setu tsa sha won cii yô kohol lu anyom 912, maa a kpe.
9 Enoshi tsa anyom 90 maa a mar Kenan.
10 Enoshi maren Kenan kera yô, a hide a tsa anyom 815. Shi a mar ônov mba nomso man mba kasev.
11 Nahan ayange a Enoshi tsa sha won cii yô kohol lu anyom 905, maa a kpe.
12 Kenan tsa anyom 70 maa a mar Mahalalel.+
13 Kenan maren Mahalalel kera yô, a hide a tsa anyom 840. Shi a mar ônov mba nomso man mba kasev.
14 Nahan ayange a Kenan tsa sha won cii yô kohol lu anyom 910, maa a kpe.
15 Mahalalel tsa anyom 65 maa a mar Yaredi.+
16 Mahalalel maren Yaredi kera yô, a hide a tsa anyom 830. Shi a mar ônov mba nomso man mba kasev.
17 Nahan ayange a Mahalalel tsa sha won cii yô kohol lu anyom 895, maa a kpe.
18 Yaredi tsa anyom 162 maa a mar Enoki.+
19 Yaredi maren Enoki kera yô, a hide a tsa anyom 800. Shi a mar ônov mba nomso man mba kasev.
20 Nahan ayange a Yaredi tsa sha won cii yô kohol lu anyom 962, maa a kpe.
21 Enoki tsa anyom 65 maa a mar Metusela.+
22 Enoki maren Metusela kera yô, a za hemen u zenden vea Aôndo u mimi* anyom 300. Shi a mar ônov mba nomso man mba kasev.
23 Nahan ayange a Enoki tsa sha won cii yô kohol lu anyom 365.
24 Enoki za hemen u zenden vea Aôndo u mimi la her.+ Maa va kera lu ga, sha ci u Aôndo tôô un.+
25 Metusela tsa anyom 187 maa a mar Lameki.+
26 Metusela maren Lameki kera yô, a hide a tsa anyom 782. Shi a mar ônov mba nomso man mba kasev.
27 Nahan ayange a Metusela tsa sha won cii yô, kohol lu anyom 969, maa a kpe.
28 Lameki tsa anyom 182 maa a mar wan u nomso.
29 A ii un iti ér Noa.*+ A kaa ér: “Ka ngun una na se msurshima* sha tom wase man ican i se ye tsung u eren tom sha ave a ase, sha ci u inya i Yehova yange wa i ifyan ne ye.”+
30 Lameki maren Noa kera yô, a hide a tsa anyom 595. Shi a mar ônov mba nomso man mba kasev.
31 Nahan ayange a Lameki tsa sha won cii yô kohol lu anyom 777, maa a kpe.
32 Noa nyer anyom 500 yô, a mar Shem+ man Ham+ man Yafeti.+
Ngeren mba shin kpe
^ Shin “Adam; Oruma.”
^ Zwa Heberu, “Aôndo la.” Nenge Ngeren u Pasen Asember.
^ Alaghga inja na ér “Mmem; Msurshima.”
^ Shin “myôhôryol.”
