Genese 10:1-32
10 Ka yiase i ônov mba Noa je ne, ka Shem+ man Ham man Yafeti je la.
Zum u mngerem ma deemee va kar kera la, ve mar ônov.+
2 Ônov mba Yafeti mba nomso lu Gomer+ man Magogi+ man Madai man Yavan man Tubal+ man Mesheki+ kua Tirase.+
3 Ônov mba Gomer mba nomso lu Ashekenashi+ man Rifati kua Togarma.+
4 Ônov mba Yavan mba nomso lu Elisha+ man Tarshishi+ man Kitim+ kua Dodanim.
5 Ka ken mban mba ve tema ken uicile la due samber sha ajiir a ve, sha ijô ve man sha icombor ve man sha ityar ve kpaa ye.
6 Ônov mba Ham mba nomso lu Kushi man Miseraim+ man Puti+ kua Kaanan.+
7 Ônov mba Kushi mba nomso lu Seba+ man Havila man Sabeta man Raama+ kua Sabateka.
Ônov mba Raama lu Sheba man Dedan.
8 Kushi shi mar Nimrodi. Nimrodi lu or u hiihii u hingir or u ageegh sha tar yô.
9 Yange hingir ortato u ageegh u hendan kwagh a Yehova. Ka nahan man i eren ishenge* ne ye, ér: “Bee Nimrodi ortato u ageegh u hendan kwagh a Yehova.”
10 Tartor na hii ken* Babel+ man Ereki+ man Akada man Kalne, ken tar u Shinar.+
11 A mough hen tar la a yem ken Ashiria+ a za maa Ninive+ man Rehoboti-Ir man Kala,
12 man Resen hen atô u Ninive man Kala: Ka zegegar la je la.*
13 Miseraim mar Ludim+ man Anamim man Lehabim man Nafetuhim+
14 man Paterushim+ man Kaseluhim (lu ken mban Mbafiliti+ va due ye) kua Kafetorim.+
15 Kaanan mar Shidon,+ un lu waniunda na, man Heti+
16 kua Yebushi+ man Amor man Girgashi+
17 man Hivi+ man Arki man Shini
18 man Arvadi+ man Semari kua Hamati.+ Shighe kar yô, icombor i Mbakaanan sambe yem ajiir wue wue.
19 Nahan haregh u Mbakaanan hii hen Shidon yem zan zan due Gerar,+ ikyua a Gasa,+ hide due Sodom man Gomora+ man Adema man Seboimi,+ ikyua a Lasa.
20 Lu ônov mba Ham sha icombor ve man ijô ve man ajiir a ve kua ityar ve je la.
21 Shem kpa mar ônov, un lu tertamen u ônov mba Eber cii,+ shi lu anngô u Yafeti u lu u vesen la.*
22 Ônov mba Shem mba nomso lu Elam+ man Ashur+ man Apakashadi+ man Ludi kua Aram.+
23 Ônov mba Aram lu Ushi man Hul man Geter kua Masha.
24 Apakashadi mar Shela,+ Shela gema mar Eber.
25 Eber mar ônov mba nomso uhar. Iti i u môm la lu Pelegi,*+ sha ci u sha shighe na la tar* pav. Iti i anmgbian na lu Yokotan.+
26 Yokotan mar Almodadi man Shelefi man Hasarmaveti man Yera+
27 man Hadoram man Usal man Dikela
28 man Obal man Abimael man Sheba
29 man Ofir+ man Havila kua Yobabi; mban cii lu ônov mba Yokotan.
30 Ijiir ve i teman hii hen Mesha zan zan za ar hen Sefar, haregh u iwoogh u sha ityoughkitaregh la.
31 Lu ônov mba Shem sha icombor ve man ijô ve man ajiir a ve kua ityar ve je la.+
32 Lu icombor i ônov mba Noa je ne, i nger ati a ve sha icombor ve man sha ityar ve. Lu ken ve akuraior due samber sha tar cii shighe u mngerem ma deemee kar kera la ye.+
