Genese 46:1-34
46 Nahan Iserael mough a hanma kwagh u lu a mi cii,* a gba yemen. Va nyer hen Bersheba yô,+ a na Aôndo u ter na Isaka iniav her.+
2 Maa Aôndo lam a Iserael tugh ken mpase u sha mnenge, a yila un ér: “Yakob, Yakob!” Yakob gema kaa ér: “Mo ne!”
3 Maa a kaa ér: “Ka mo Aôndo u mimi, Aôndo u teru.+ De cian u senen zan shin Igipiti ga, sha ci u ka her me za gema u u hingir zegeikyurior ye.+
4 Mo iyol yam me sen vea we shin Igipiti, shi mo iyol yam me za due a we her kera,+ shi Yosev una kusu u ashe.”*+
5 Tsô Yakob mough hen Bersheba, ônov mba Iserael tôô ter ve Yakob kua ônov vev man kasev vev shin akeke a kpelan a Farou na ér i va tôô un shimi la.
6 Ve mough a ilev vev man akaa a ve lu a mi ken tar u Kaanan kpishi la cii. Ve va nyôr ken tar u Igipiti, Yakob vea ônov nav cii.
7 A va a ônov nav mba nomso man mba kasev kua ônov mba ônov nav—a va a tsombor na cii ken Igipiti.
8 Ka ati a ônov mba Iserael mba ve va ken Igipiti je ne,+ Yakob a ônov nav: Waniunda u Yakob lu Ruben.+
9 Ônov mba Ruben mba nomso lu Hanoki man Palu man Heseron kua Karmi.+
10 Ônov mba Shimion yô,+ lu Yemuel man Yamin man Ohadi man Yakin man Sohar kua Shaul,+ wan u Kwasekaanan la.
11 Ônov mba Levi+ mba nomso lu Gershon man Kohati kua Merari.+
12 Ônov mba Yuda yô,+ lu Er man Onan man Shela+ man Pereshi+ kua Sera.+ Nahan kpa, Er man Onan yô ve kpe ken tar u Kaanan.+
Ônov mba Pereshi gema lu Heseron man Hamul.+
13 Ônov mba Isakar yô, lu Tola man Puva man Iobu kua Shimeron.+
14 Ônov mba Sebulon yô,+ lu Seredi man Elon kua Yahel.+
15 Ka ônov mba Lea mar Yakob ken Padan-aram je ne, kua wan na u kwase Dina.+ Ônov nav mba nomso man mba kasev cii kohol lu 33.
16 Ônov mba Gadi yô,+ lu Sefion man Hagi man Shuni man Esebon man Eri man Arodi kua Areli.+
17 Ônov mba Asher mba nomso+ lu Imna man Isheva man Ishevi man Beria man anmgbian ve u kwase Shera.
Ônov mba Beria yô, lu Heber kua Malkiel.+
18 Ka ônov mba Selpa,+ u Laban na wan na u kwase Lea je ne. A mar Yakob ve. Ve cii kohol lu iorov 16.
19 Ônov mba Rahel kwase u Yakob yô, lu Yosev+ man Benyamin.+
20 Ônov mba i mar Yosev ken tar u Igipiti yô, lu Manase+ man Eferaim,+ ka Asenati,+ wan u Potifera, pristi u On,* mar un ve ye.
21 Ônov mba Benyamin yô,+ lu Bela man Beker man Ashebel man Gera+ man Naaman man Ehi man Rose man Mupim man Hupim+ kua Ardi.+
22 Ka ônov mba Rahel mar Yakob je ne: ve cii kohol lu iorov 14.
23 Wan u* Dan yô,+ lu Hushim.+
24 Ônov mba Nafetali mba nomso+ lu Yakeseel man Guni man Yeser kua Shilem.+
25 Ka ônov mba Bila, u Laban na wan na Rahel la je ne. A mar Yakob ve. Ve cii kohol lu iorov utaankaruhar.
26 Dugh kasev mba ônov mba Yakob kera yô, ior mba ve dugh ken tsombor u Yakob mba ve mough ve va vea na ken Igipiti cii yô, lu iorov 66.+
27 Ônov mba Yosev mba i mar un ken Igipiti yô lu uhar. Ior mba hen ya u Yakob mba ve mough ve va ken Igipiti cii yô, lu iorov 70.+
28 Yakob tindi Yuda+ ér a hemen a ve, a za ôr Yosev yô un ver ishigh u yemen Goshen. Mba va nyer ken tar u Goshen yô,+
29 Yosev wa iyol maa mough sha ikyekye na, sha er una za zua vea ter na ken Goshen yô. Za nengen a na je maa a kuve un, a gba vaan, a vaa her shighe kar.*
30 Maa Iserael kaa a Yosev ér: “Hegen yô mea kpe a kpe kpa a vihim ga, sha ci u m nenge a ishigh you, shi m fa je mer u ngu uma her.”
31 Yosev maa kaa a anmgbianev nav man ya u ter na cii ér: “De m za m za ôr Farou+ mer, ‘Anmgbianev av man mba hen ya u terem mba yange ve lu ken tar u Kaanan la, ve mough ve va her a mo heen.+
32 Ka mbakuranilev,+ tom ve ka u nengen sha uile,+ shi ve va a ilev vev man uzendenya vev man hanma kwagh u ve lu a mi cii.’+
33 Aluer Farou yila ne pine ne ér, ‘Ka nyi tom ne erene?’ yô,
34 kaa nen ner, ‘Hii iyev je zan zan hegen, ikpan you ngi nengen sha uile, se kua uter asev cii,’+ sha er ne tema ken tar u Goshen yô,+ gadia hanma orkuranilev cii ndôhôr Mbaigipiti ishima.”+
