Genese 36:1-43
36 Ka yiase i Isou ne, ka Edom je la.+
2 Isou yange vôso kasev ken ônkasev mba Mbakaanan, lu: Ada,+ wan u Elon, Orhiti;+ man Oholibama,+ wan u Ana, wan u wan u Shibeon, Orhivi;
3 kua Basemati,+ wan u Ishemael, ingyôr i Nebayoti.+
4 Tsô Ada mar Isou Elifasa, Basemati gema mar Reuel,
5 Oholibama mar Yeushi man Yalam kua Kora.+
Mban ka ônov mba Isou mba i mar un ve ken tar u Kaanan je la.
6 Tsô Isou tôô kasev nav kua ônov nav mba nomso man mba kasev, man ior mba hen ya na cii, kua ilev nav man uzendenya nav mbagen, man inyaregh ki a zua a mi+ ken tar u Kaanan cica cii, a yem ken tar ugen, ica a anngô na Yakob.+
7 Gadia ikyav vev ngee gande u vea tema imôngo, shi tar u ve tema* her la kera kuma ve ga, sha ci u ilev vev ngee.
8 Nahan Isou za tema hen haregh u iwoogh u Seir.+ Isou ka Edom.+
9 Ngun ka yiase i Isou, ter u Mbaedom, hen haregh u iwoogh u Seir je ne.+
10 Ka ati a ônov mba Isou je ne: Elifasa wan u Ada, kwase u Isou; Reuel wan u Basemati, kwase u Isou.+
11 Ônov mba Elifasa lu Teman+ man Omar man Sefo man Gatam kua Kenashi.+
12 Timnar va hingir kwase u sha uikya u Elifasa, wan u Isou. Shighe kar yô, a mar Elifasa wan, iti na lu Amaleki.+ Ka ônov mba Ada, kwase u Isou je la.
13 Ka ônov mba Reuel je ne: Nahati man Sera man Shamah kua Misa. Mban ka ônov mba Basemati,+ kwase u Isou.
14 Mban ka ônov mba Oholibama wan u Ana, wan u wan u Shibeon, kwase u Isou, mba a mar Isou ve je ne: Ka Yeushi man Yalam kua Kora.
15 Ka utyombaiorov mba ônov mba Isou je ne:+ Ken ônov mba Elifasa, waniunda u Isou yô, ka: Tyoor Teman, Tyoor Omar, Tyoor Sefo, Tyoor Kenashi,+
16 Tyoor Kora, Tyoor Gatam man Tyoor Amaleki. Mban ka utyombaiorov mba Elifasa,+ ken tar u Edom. Mban cii ka ônov mba Ada.
17 Mban ka ônov mba Reuel, wan u Isou je ne: Tyoor Nahati, Tyoor Sera, Tyoor Shama kua Tyoor Misa. Mban ka utyombaiorov mba Reuel ken tar u Edom.+ Mban cii ka ônov mba Basemati kwase u Isou.
18 U masen yô, ka ônov mba Oholibama, kwase u Isou je ne: Ka Tyoor Yeushi, Tyoor Yalam kua Tyoor Kora. Mban cii ka utyombaiorov mba Oholibama wan u Ana, kwase u Isou.
19 Mban ka ônov mba Isou, man ka utyombaiorov vev je ne. Un ka Edom.+
20 Mban ka ônov mba Seir, Orhori, mba ve tema ken tar la je ne:+ Ka Lotan man Shobal man Shibeon man Ana+
21 man Dishon man Eser man Dishan.+ Mban ka utyombaiorov mba Mbahori, ônov mba Seir, mba ken tar u Edom.
22 Ônov mba Lotan lu Hori man Hemam, ingyôr i Lotan lu Timnar.+
23 Ônov mba Shobal yô, ka Alavan man Manahati man Ebal man Shefo kua Onam.
24 Ônov mba Shibeon yô,+ ka Aia man Ana. Ka Ana shon u yange za zua a amboramnger a tseen ken taaikyôngo, zum u lu zenden a ujaki mba ter na Shibeon la.
25 Ka ônov mba Ana je ne: Dishon man Oholibama, wan u Ana u kwase.
26 Ka ônov mba Dishon je ne: Hemedan man Esheban man Iteran kua Keran.+
27 Ka ônov mba Eser je ne: Bilhan man Saavan man Ekan.
28 Ka ônov mba Dishan je ne: Ushi man Aran.+
29 Ka utyombaiorov mba Mbahori je ne: Tyoor Lotan, Tyoor Shobal, Tyoor Shibeon, Tyoor Ana,
30 Tyoor Dishon, Tyoor Eser man Tyoor Dishan.+ Ka utyombaiorov mba Mbahori, sha utyombaiorov vev seer seer, ken tar u Seir je la.
31 Ka ator a yange hemen ken tar u Edom+ cii ve or tema tor sha Mbaiserael* je ne.+
32 Bela wan u Beor tema tor ken Edom, iti i gar na lu Dinhaba.
33 Bela kpen yô, Yobabi, wan u Sera u ken Bosera, kar tema tor sha ityough nagh.
34 Yobabi kpen yô, Husham u ken tar u Mbateman kar tema tor sha ityough nagh.
35 Husham kpen yô, Hadadi wan u Bedadi u hemba Mbamidian+ hen haregh u Moabi la kar tema tor sha ityough nagh. Iti i gar na lu Aviti.
36 Hadadi kpen yô, Samla u ken Masereka kar tema tor sha ityough nagh.
37 Samla kpen yô, Shaul u ken Rehoboti, u lu hen kpe Ifi la kar tema tor sha ityough nagh.
38 Shaul kpen yô, Baal-hanan wan u Akebor kar tema tor sha ityough nagh.
39 Baal-hanan wan u Akebor kpen yô, Hadar kar tema tor sha ityough nagh. Iti i gar na lu Pahu, iti i kwase na lu Mehetabel, wan u Materedi, wan u Meshahaba.
40 Ka ati a utyombaiorov mba Isou, sha icombor ve man sha ajiir a ve, sha ati a ve seer seer je ne: Tyoor Timnar, Tyoor Alava, Tyoor Yetete,+
41 Tyoor Oholibama, Tyoor Ela, Tyoor Pinon,
42 Tyoor Kenashi, Tyoor Teman, Tyoor Mibesar,
43 Tyoor Magediel kua Tyoor Iram. Mban ka utyombaiorov mba Edom, sha ajiir a ve a teman, ken tar u ve tema ker la je la.+ Ka Isou, ter u Mbaedom je ne.+
