Hesabu 23:1-30
23 Kisha Balaamu akamuambia Balaki: “Jenga hapa mazabahu saba (7),+ na unitayarishie ngombe-dume saba na kondoo-dume saba.”
2 Mara moja Balaki akafanya kama vile Balaamu alikuwa amesema. Na Balaki na Balaamu wakatoa ngombe-dume mumoja na kondoo-dume mumoja juu ya kila mazabahu.+
3 Halafu Balaamu akamuambia Balaki: “Bakia hapa karibu na toleo lako la kuteketezwa, na mimi nitaenda. Pengine Yehova atazungumuza na mimi. Kila jambo lenye atanifunulia, nitakuambia.” Kwa hiyo akaenda juu ya kilima chenye kuwa wazi.
4 Kisha Mungu akazungumuza na Balaamu,+ Balaamu akamuambia: “Nilisimamisha mazabahu saba (7) katika mistari, na nilitoa ngombe-dume mumoja na kondoo-dume mumoja juu ya kila mazabahu.”
5 Yehova akatia neno hili katika kinywa cha Balaamu:+ “Rudia kwa Balaki, na haya ndiyo mambo yenye utasema.”
6 Kwa hiyo akarudia na akaona kwamba Balaki na wakubwa wote wa Moabu walikuwa wanasimama karibu na toleo lake la kuteketezwa.
7 Kisha akasema usemi huu wa kimezali:+
“Balaki mufalme wa Moabu amenileta kutoka Aramu,+Kutoka katika milima ya mashariki:
‘Kuja umulaani Yakobo kwa ajili yangu.
Ndiyo, kuja ulaumu Israeli.’+
8 Namna gani ninaweza kulaani watu wenye Mungu hajalaani?
Na namna gani ninaweza kulaumu watu wenye Yehova hajalaumu?+
9 Kutoka kwenye sehemu ya juu ya miamba ninawaona,Na kutoka kwenye vilima ninawaona.
Wanaishi peke yao kama kikundi cha watu;+Hawajione kuwa kati ya mataifa.+
10 Ni nani anaweza kuhesabia chembe za mavumbi ya Yakobo+Ao hata kuhesabia sehemu moja ya ine (1/4) ya Israeli?
Acha nikufe* kifo cha watu wanyoofu,Na mwisho wangu ukuwe kama mwisho wao.”
11 Kisha Balaki akamuambia Balaamu: “Ni jambo gani hili umenitendea? Nilikuleta ili ulaani maadui wangu, na sasa kuliko kuwalaani umewabariki tu.”+
12 Balaamu akajibu: “Je, sipaswe kusema neno lolote lenye Yehova anatia katika kinywa changu?”+
13 Balaki akamuambia: “Tafazali, tuende mahali pengine kwenye unaweza kuwaona. Utaona wamoja katikati yao; hautawaona wote. Ukiwa pale uwalaani kwa ajili yangu.”+
14 Kwa hiyo akamupeleka kwenye shamba la Sofimu, kwenye kichwa cha Pisga,+ na akajenga mazabahu saba (7) na kutoa ngombe-dume mumoja na kondoo-dume mumoja juu ya kila mazabahu.+
15 Kwa hiyo Balaamu akamuambia Balaki: “Bakia hapa karibu na toleo lako la kuteketezwa wakati ninaenda pale kuzungumuza Naye.”
16 Na Yehova akazungumuza na Balaamu na kutia neno hili katika kinywa chake:+ “Rudia kwa Balaki, na hili ndilo jambo lenye utasema.”
17 Kwa hiyo akarudia kwa Balaki na akaona kwamba Balaki alikuwa anangojea akiwa karibu na toleo lake la kuteketezwa, na wakubwa wa Moabu walikuwa pamoja naye. Balaki akamuuliza: “Yehova amesema nini?”
18 Kisha Balaamu akasema usemi huu wa kimezali:+
“Simama, Balaki, na usikilize.
Unisikie, Ee mwana wa Sipori.
19 Mungu haiko mwanadamu bure mwenye anasemaka uongo,+Wala haiko mwana wa binadamu mwenye anabadilishaka nia yake.*+
Wakati anasema jambo fulani, je, hatalifanya?
Wakati anasema, je, hatalitimiza?+
20 Angalia! Nimeletwa ili nibariki;Sasa Yeye amebariki,+ na mimi siwezi kubadilisha jambo hilo.+
21 Havumilie nguvu zozote za uchawi juu ya Yakobo,Na haruhusu taabu yoyote imufikie Israeli.
Yehova Mungu wake iko* pamoja nao,+Na anasifiwa kwa sauti kubwa kuwa mufalme kati yao.
22 Mungu anawatosha Misri.+
Yeye ni kama pembe za ngombe-dume wa pori kwa ajili yao.+
23 Kwa maana hakuna alama za mambo ya mubaya juu ya Yakobo,+Wala hakuna uaguzi wowote juu ya Israeli.+
Wakati huu inaweza kusemwa kuhusu Yakobo na Israeli:
‘Muangalie mambo yenye Mungu ametenda!’
24 Kikundi hiki cha watu kitasimama kama simba,Na kama simba, kitajiinua.+
Hakitalala chini mupaka kikule mawindoNa kunywa damu ya watu wenye kuuawa.”
25 Kisha Balaki akamuambia Balaamu: “Ikiwa kwa upande mumoja hauwezi kuwalaani hata kidogo, basi kwa upande mwingine haupaswe kuwabariki pia.”
26 Balaamu akamujibu Balaki: “Je, sikukuambia, ‘Nitafanya mambo yote yenye Yehova anasema’?”+
27 Balaki akamuambia Balaamu: “Tafazali kuja na uache nikupeleke mahali pengine. Pengine itakuwa sawa mbele ya macho ya Mungu wa kweli uwalaani kwa ajili yangu ukiwa mahali pale.”+
28 Kwa hiyo Balaki akamupeleka Balaamu kwenye kichwa cha Mulima Peori, wenye unaangaliana na Yeshimoni.*+
29 Kisha Balaamu akamuambia Balaki: “Jenga mazabahu saba (7) hapa, na unitayarishie ngombe-dume saba na kondoo-dume saba.”+
30 Kwa hiyo Balaki akafanya kama vile Balaamu alikuwa amesema, na akatoa ngombe-dume mumoja na kondoo-dume mumoja juu ya kila mazabahu.
Maelezo ya Chini
^ Ao “nafsi yangu ikufe.”
^ Ao “mwenye anasikitikaka.”
^ Ao “eko.”
^ Ao pengine, “jangwa; nyika.”
