Taba Yende Yeneñozwi ki Mark 16:1-8
-
Jesu wazusiwa (1-8)
16 Cwale la Sabata+ halifelile, Maria Magdalena, Maria+ mahe Jakobo, ni Salome baleka milyani yenunka hande kuli bayo toza situpu sa Jesu.+
2 Mi kakusasana-sasana fa lizazi lapili mwa sunda, bataha kwa libita,* lizazi hase lipazuzi.+
3 Nebabulelisana, bali: “Ki mañi yaka lupikuluseza licwe leli kwa munyako wa libita?”
4 Kono habainula meeto, babona kuli licwe lipikuluselizwe kwatuko, nihaike kuli neli lelituna hahulu.+
5 Habakena mwa libita, babona mutangana yainzi ku la bulyo, aapezi siapalo sesisweu sesitelele, mi basaba hahulu.
6 Ali ku bona: “Musike mwasaba.+ Mubata Jesu wa Munazareta yanaabulaezwi fa kota. Uzusizwe kwa bafu.+ Haayo mo. Hamubone, ki fa fone bamulobalize.+
7 Kono muye, muyo bulelela balutiwa bahae ni Pitrosi, muli: ‘Uitangetile ku mina kuya kwa Galilea.+ Ki kona komukayo mubona, sina mwanaa mibulelezi.’”+
8 Cwale habazwa mwa libita, bamata kuzwa kwateñi, nebangangama mi nebasabile maswe. Mi nebasika bulelela mutu ufi kamba ufi sesiñwi, kakuli nebasabile.*+
Litaluso ze kwatasi
^ Kamba “libita la kupulo.”
^ Ka kuya ka miputo yemiñwi yapili yesepeha, Evangeli ya Mareka ifela ka manzwi afumaneha mwa timana 8. Mubone Litaba Zeekelizwe A3.
