Salmos 21:1-13
Takiqkunata pusariqpaq. Davidpa takin.
21 Diosníy Jehová, kallpaykimantan reyqa mayta kusikun.+
¡Libraq Dios kasqaykimantan anchata kusikun!+
2 Sonqonpa munasqantan qorqanki,+imachus mañakusqantan qorqanki. (Séla).
3 Paymanqa imaymana bendicionkuna aparisqan rinki.
Ch’uyanchasqa qorimanta coronatan umanman churanki.+
4 Paymi kausayta mañakurqasunki,qantaq mañakusqanta qorqanki;+unay kausaytan, wiñay-wiñaypaq kausaytan qorqanki.
5 Libraq Dios kasqaykin paytaqa jatunchan.+
Paymanmi k’anchaytapas jatunchaytapas qonki.
6 Wiñaypaqmi paytaqa bendecinki.+
Qayllanpi kaspan paytaqa kusichinki.+
7 Reyqa Jehová Diosmantan jap’ipakun,+paytaqa manan imapas jayk’aqpas kuyurichinqachu,ancha jatun Diospa mana tukukuq munakuyninpin mana urmanqachu.+
8 Makiykiqa llapa enemigoykikunatan tarinqa,paña makiykin llapa cheqnikuqniykikunata tarinqa.
9 Tiempollanpin paykunataqa raurashaq hornoman tukuchipunki,qhawarimunayki tiempopin paykunata chinkachinki.
Phiñakuyninpin Jehová Diosqa paykunata tukuchinqa,ninan paykunataqa llapanta ruphapunqa.+
10 Miraynin runakunatan kay pachamanta pichapunki,llapa churinkunatan runakunaq chaupinmanta ch’usaqman tukuchinki.
11 Paykunaqa mana allintan qan contra ruwayta munasharqanku,+mana allinkunatan yuyaykurqanku ichaqa mana allinpin tukunqa.+
12 Paykunatan qanqa mancharichinki,+arcoykita chutarisqata rikuspan* paykunaqa ayqerikunqaku.
13 Diosníy Jehová, sayariy, kallpaykita rikuchiy.
Atiyniykimantan jatunchay takikunata takisaqku.
Uraypi willakuykuna
^ Chaypiqa “uyankupi flechanaykipaq qhawachiqtiykin” nillanmantaqmi.
