Salmos 137:1-9
137 Babilonia mayukuna patapin+ tiyaykurqayku.
Sionta yuyarispan waqaykurqayku.+
2 Chaypi* kaq álamo sach’akunamanmi arpaykuta warkurqayku.+
3 Preso apawaqniyku runakunan takipunaykuta munarqanku,+asipayawaqniyku runakunan kusirichinaykuta munarqanku.
“Sionmanta jujnin takita takiykapuwayku” nispan niwarqanku.
4 ¿Imaynan Jehová Diospa takinta takiykuman karqan?
¿Imaynan waj runakunaq llaqtanpi chayta takiykuman karqan?
5 Jerusalén llaqtalláy, qantachus qonqapusayki chayqa,paña makiy qonqapuchun imachus ruway atisqanta.*+
6 Jerusalén, manachus qanta yuyarisayki chayqa,manachus ima kusichiwaqmantapas qanmanta astawanqa kusikusaq chayqa,+simiyman qalluy k’askapuchun.
7 Jehová Diosníy, Edom runakunaq imachus nisqanta yuyariy,Jerusalenpa urmasqan p’unchay imachus rimasqankuta yuyariy.
Paykunan nirqanku: “¡Urmachiychis! ¡Cimentacionninmantapacha thuniychis!”,+ nispa.
8 Yau Babilonia llaqta, pisillamantan thunisqa kanki.+
Kusisqa kachun imachus ruwawasqaykikuman jina kutichipuqniykiqa,imaynatachus ruwawarqankiku chayman jina ruwaqniykiqa.+
9 Kusisqa kachun wawaykikunata jap’iqqa,kusisqa kachun paykunata qaqaman ch’aqeqqa.+
