Salmos 75:1-10
-
Diosqa chanin kaywan juzgasqanmanta
-
Diospa copanmanta millay runa ujananmanta (8)
-
Takiqkunata pusariqpaq. “Ama ñut’uychu”* nisqaman jina. Asafpa takin.+
75 Diosníy, maytan agradecekuykiku, maytan “gracias” niykiku,sutiykiqa noqaykuwanmi kashan, qayllallaykupin kashan,+runakunan rimashanku musphanapaq ruwaykuna ruwasqaykimanta.
2 Qanmi ninki: “Juzganaypaq juj tiempota churaspaqa,chanin kaywanmi noqaqa juzgani.
3 Jallp’a pachapas chaypi tiyaqkunapas khatatatashaqtinqa,*noqan chaypi columnakunataqa qaqata sayachirqani”, nispa. (Séla).
4 Jatunchakuq* runakunatan nirqani: “Ama umata oqariychischu”, nispa.
Millay runakunatataq nirqani: “Ama kallpaykichiswan jatunchakuychischu.
5 Ama atiyniykichista altoman oqariychischu,ama jatunchakuspa rimaychischu.
6 Jatunchakuypas uma oqariypas manan inti lloqsimuy ladomantachu jamun,manan inti jaykuy ladomantachu ni uray ladomantachu jamun.
7 Diosmi juezqa, paymi juzgaqqa,+jujnintan k’umuchin, jujnintataq jatunchan.+
8 Jehová Diosmi makinpi vinoyoq copata jap’ishan,+chay vinoqa allin tupachisqan kashan, phosoqoshanmi.
Chay vinotan payqa jich’aykamunqa,chaytan kay pachapi millay runakunaqa qonchuntintaraq tomanqaku”,+ nispa.
9 Noqaqa wiñaypaqmi chaykunamanta rimasaq.
Jacobpa Diosninmanmi jatunchay takikunata takisaq.*
10 Paymi nin: “Millay runakunaq atiynintan tukuchisaq,chanin runakunaq kallpanmi ichaqa astawanraq yapakunqa”, nispa.
