Salmos 114:1-8
114 Egiptomanta Israel lloqsimushaqtinqa,+mana yachasqanku simita rimaq llaqtamanta Jacobpa familian lloqsimushaqtinqa,
2 Judá ayllun ch’uya cheqas kapurqan,Israelmi Diospa kamachisqan suyu kapurqan.+
3 Lamar-qochan payta rikuspa ayqerikurqan,+Jordán mayun payta rikuspa kutiripurqan.+
4 Orqo puntakunan carnerokuna jina p’itarirqan;+moqo patakunan borregokuna jina saltarirqan.
5 Lamar-qocha, ¿iman mancharichirqasunki?+
Jordán mayu, ¿imaraykun ayqerikurqanki?+
6 Orqo puntakuna, ¿imaraykun carnerokuna jina p’itarirqankichis?
Qankunapas moqo patakuna, ¿imaraykun borregokuna jina saltarirqankichis?
7 Jallp’a pacha, Señor-rayku khatatatay,*Jacobpa Diosninrayku khatatatay.+
8 Payqa rumi-rumitan carrizoq* wiñanan unu pampaman tukuchin,ch’ila qaqatan unu pujyuman tukuchin.+
