Salmos 95:1-11
95 ¡Jamuychis, Jehová Diospa ñaupanpi kusisqa qaparisun!
Kusikuymanta q’ochukusun, libraqninchis qaqata jatunchasun.+
2 Graciasta qoy simikunawan ñaupanman risun;+kusisqa qaparisun, jatunchay takikunata takisun.
3 Jehová Diosqa ancha jatun Diosmi,payqa ima diosmantapas aswan jatun reymi.+
4 Kay pachapi mana rikuy ukhukunaqa paypa makinpin kashan,ancha jatun orqokunaq puntankunapas paypan.+
5 Lamar-qochapas paypan, paypa kamasqanmi,+ch’aki jallp’akunapas makinpa ruwasqanmi.+
6 Jamuychis, payta yupaychasun, payman k’umuykusun,kamaqninchis Jehová Diospa ñaupanpi qonqorikusun.+
7 Paymi noqanchispa Diosninchisqa,noqanchistaq paypa llaqtan kanchis,payqa ovejakunata jinan munayta michiwanchis.+
Paypa siminta kunan uyarikuychis,+ paymi nirqan:
8 “Aman k’ullu sonqoqa kankichischu,aman Meribapi* jinaqa ruwankichischu,+aman ch’inneqpi Masá* nisqapi jinapas ruwankichischu.+
9 Chaypin ñaupa taytaykichiskunaqa pruebaman churawarqanku,+imakunachus ruwasqayta rikushaspan noqa contra jatarirqanku.+
10 Tawa chunka watan chay miray runakunapaq phiñasqa kasharqani.
Paykunamantan nirqani: Kay runakunaq sonqonqa mana allinllamanmi rishan.
Paykunaqa manan ñanniykunataqa reqsinkuchu, nispa.
11 Jinan noqaqa k’araq phiñakuyniypi jurarqani:
Manan jaykunqakuchu samanay p’unchaymanqa,+ nispa”.
