Salmos 149:1-9
149 ¡Jehová* Diosta jatunchaychis!*
Jehová Diosman mosoq takita takiychis,+junt’aq sonqo runakuna ukhupi payta alabaychis.+
2 Israel runakuna jatun kamaqninkumanta kusikuchunku,+Sionpa churinkuna reyninkumanta q’ochukuchunku.
3 Tusuykunawan paypa sutinta jatunchachunku,+tamborpa tocayninman jina, arpaq waqayninman jina jatunchay takikunata takichunku.*+
4 Jehová Diosqa may kusisqan llaqtanwan kashan.+
Librasqanwanmi llamp’u sonqo runakunata jatunchan.+
5 Diospa jatunchasqanwan junt’aq sonqokuna kusikuchunku,puñunanku patapi kusikuymanta qaparichunku.+
6 Diosta jatunchay takikuna siminkupi kashachun,iskay ladon filochasqa espadataq makinkupi kashachun.
7 Chaywanmi nacionkunamanta vengakunqaku,llaqtakunatan castiganqaku.
8 Reykunatan cadenakunawan watanqaku,autoridadkunatan fierro cadenakunawan jap’ichinqaku,
9 paykunapaq juchachay simiman jinan ruwanqaku.+
Dios sonqo runakunapaqqa ancha munaymi kanqa chayta ruway.
¡Jehová* Diosta jatunchaychis!*
Uraypi willakuykuna
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa “¡Aleluya!” nillanmantaqmi.
^ Chaypiqa “musicata tocachunku” nillanmantaqmi.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa “¡Aleluya!” nillanmantaqmi.
