Salmos 143:1-12
Davidpa takin.
143 Diosníy Jehová, mañakusqayta uyarimuway,+yanapawanaykipaq rogakusqayta uyarimuway.
Chanin kasqaykirayku, junt’aq sonqo kasqaykirayku uyarimuway.
2 Ama kay kamachiykita juicioman apaychu,ñaupaykipiqa manan pipas chaninqa kanmanchu.+
3 Enemigon qatikachashawan,vidaytan pampaman sarun.
Unayña wañusqakunata jinan laqhayaq* ukhupi tiyachishawan.
4 Llakiq ñit’isqanmi kashani,+sonqoypas susunkasqa jinan kashan.+
5 Ñaupa tiempokunatan yuyarini,imakunachus ruwasqaykipin yuyaymanani.+
Makiykiq ruwasqankunapin tukuy sonqo yuyaymanani.
6 Qanmanmi makiyta jaywarimuni,imaynan ch’aki jallp’a paramanta ch’akichikun,chhaynatan noqapas qanmanta ch’akichikushani.+ (Séla).
7 Diosnilláy Jehová, usqhaylla uyarimuway,+manan kallpaypiñachu kashani.+
Amapuni noqamanta uyaykita kutiriychu,+paqtan aya p’ampanaman jaykuqkuna jina kapuyman.+
8 Mana tukukuq munakuyniykita tutamantan rikuchiway,noqaqa qanmanmi jap’ipakamuyki.
Mayninchus purinay ñanta reqsichiway,+noqaqa qanllamanmi makiyta jaywarimuyki.
9 Diosníy Jehová, enemigoykunaq makinmanta libraway.
Noqaqa qanpin pakakuni.+
10 Munayniyki ruwayta yachachiway,+qanmi Diosniyqa kanki.
Qanqa sumaq sonqo Diosmi kanki,espirituyki chanin ñanninta pusawachun.
11 Jehová Diosníy, sutiykirayku kausachishallaway.
Chanin kayniykipi kay llakikuymanta libraway.+
12 Mana tukukuq munakuyniykipi cheqniwaqniykunata ch’inyachiy,+llapa ñak’arichiwaqkunata ñut’uy;+noqaqa kamachiykin kani.+
Uraypi willakuykuna
^ Laqhayaqtaqa “tutayaq” nillankutaqmi.
