Salmos 42:1-11
Takiqkunata pusariqpaq. Corepa mirayninkunaq maskilnin.*+
42 Imaynan tarukaqa ch’akichikuspa unuta maskhan,chhaynatan noqapas Diosníy qanta maskhashayki.
2 Noqaqa Diosmantan ch’akichikushani,kausaq Diosmantan ch’akichikushani.+
¿Jayk’aqtaq Diospa wasinmanri risaq?
¿Jayk’aqmi Diospa ñaupanman qayllaykusaq?+
3 Weqellayñan mijunayqa kapun,tuta p’unchaymi weqellaytaña mijuni.
Sapa p’unchaymi runakunaqa asipayawanku,sapa p’unchaymi niwanku: “¿Maytaq Diosniykiri?”,+ nispa.
4 Sonqoymi “phoq”* nishawan, imakunachus ruwasqaytan yuyarishani.
Ñaupaqqa askha runakuna chaupipin puriq kani,paykunaq ñaupantan Diospa wasinman kusisqa riq kani.
Llapaykun kusisqa qaparispa, Diosman graciasta qospa puriq kayku,askha runakunan jatun fiestata ruwaq kayku.+
5 ¿Imaraykutaq khaynari kashani?+
¿Imaraykun sonqoypas sinchi llakisqa kashan?
Noqaqa Diosnillaytan suyakusaq,+payllan salvaqniyqa, paytan jatunchasaq.+
6 Diosníy, may llakisqan kashani,+Jordán ladopi kashaspan yuyariyki,Hermón orqopi kashaspan qanta yuyariyki,+Mizar moqo ladopi kashaspan qanpi piensani.
7 Unuq phaqchaykusqantan uyarishani,chayqa phaqchaykikunaq phaqchaykusqanmi.
Phoqchiqeshaq unuykikunan qhospachiwanraq.+
8 P’unchaypin Jehová Diosqa mana tukukuq munakuyninta* rikuchiwanqa,tutataq paymanta mañakusaq, kausay qowaqniy Diosmanmi takisaq.+
9 Qaqa jina pakawaqniy Diostan tapurisaq:
“¿Imaraykun qonqapuwanki?+
¿Imaraykun llakisqa kayman jaqayman purini?
¿Imaraykun cheqniwaqniy runaq ñit’isqan purini?”,+ nispa.
10 Enemigoykunaqa wañunaytan munanku, millaytan k’amiwanku.
Sapa p’unchaymi paykunaqa asipayawanku,sapa p’unchaymi niwanku: “¿Maytaq Diosniykiri?”,+ nispa.
11 ¿Imaraykutaq khaynari kashani?
¿Imaraykun sonqoypas sinchi llakisqa kashan?
Noqaqa Diosnillaytan suyakusaq,+payllan salvaqniyqa, payllan Diosniyqa,payllatan noqaqa jatunchasaq.+
Uraypi willakuykuna
^ Phoq simitaqa “ch’allaq” nillankutaqmi.
^ Qhaway Explicasqa simikuna nisqapi “Mana tukukuq munakuy” nisqata.
