Salmos 9:1-20
Takiqkunata pusariqpaq. Mujlaben* nisqamanta. Davidpa takin.
א [álef]*
9 Diosníy Jehová, tukuy sonqoywanmi jatunchasayki,musphanapaq llapa ruwasqaykikunatan jujkunaman willasaq.+
2 Qanwanmi kusikusaq, uyayraqmi kusikuymanta k’ancharinqa.
Ancha jatun Diosníy, sutiykimantan takisaq, sutiykitan jatunchasaq.+
ב [bet]
3 Cheqniwaqniy runakunaqa qhepamanmi kutirinqaku,+kutirispataq urmanqaku, jinaspa ñaupaykipi wañunqaku.
4 Qanqa justiciata tarinaypaqmi yanapashawanki,tronoykipi tiyaykuspan chaninta juzgashanki.+
ג [guímel]
5 Nacionkunatan anyaykunki,+ mana allin runakunatan chinkachinki,wiñay-wiñaypaqmi sutinkutapas chinkachipunki.
6 Enemigoqa wiñaypaqmi tukuchisqa kapun,llaqtankunapas saphimantapachan t’irasqa kapun;chaykunaqa manan jayk’aqpas yuyarisqañachu kanqa.+
ה [he]
7 Jehová Diosqa wiñay-wiñaypaqmi trononpi tiyanqa,+trononqa allin tajyasqan kashan, chaymantapachan chaninta juzganqa.+
8 Payqa llapa kay pachatan chanin kaywan juzganqa,+llapa nacionkunatan chaninta juzganqa.+
ו [waw]
9 Jehová Diosqa sarunchasqakunaq pakakunanmi kanqa,+sinchi llaki tiempopi pakakunan kanqa.+
10 Jehová Diosníy, sutiykita reqsiqkunaqa qanllapin confianqaku.+
Qanqa manan jayk’aqpas saqenkichu maskhaqniyki runataqa.+
ז [zayin]
11 Sionpi tiyaq Jehová Diosman jatunchay takikunata takiychis,tukuy imachus ruwasqanta llapa llaqtakunaman willaychis.+
12 Payqa ñak’ariqkunatan yuyarin, yawarninkumantan vengakunqa;+manan qonqanqachu paykunaq auxilio mañakusqankutaqa.+
ח [jet]
13 Diosnilláy Jehová, khuyapayaykuway,cheqniwaqniy runakunaq ñak’arichiwasqanta qhawariy.
Wañuy punkumanta sayarichiwaq Diosníy,+ yuyariway.
14 May jatun ruwasqaykikunatan willayta munashani,Sion llaqtaq punkunkunapin willayta munashani;+qespichisqaykiwan kusikunaypaq.+
ט [tet]
15 Nacionkunaqa paykunaq t’oqosqanku t’oqollamantaqmi urmaykunku,pakasqanku trampallamantaqmi chakinkupas jaykupun.+
16 Jehová Diosqa imayna juzgaq kasqanpin reqsichikun.+
Millay runaqa makinpa imachus ruwasqallanmantaqmi chayan.+
(Higayón.* Séla).
י [yod]
17 Millay runakunaqa qhepaman kutirispan Sepulturaman* urmaykunqaku,Diosta qonqapuq llapa nacionkunan chayman jaykunqaku.
18 Wajchakunan* ichaqa mana wiñaypaqchu qonqasqa kanqaku,+llamp’u sonqokunaq suyakuyninpas manan chinkanqachu.+
כ [kaf]
19 ¡Diosníy Jehová, sayariy!
¡Llapa nacionkunata juzgay!+
Wañuq runaqa ama jatunman tukuchunchu.
20 Jehová Diosníy, paykunata mancharichiy,+nacionkuna yachachunku paykunaqa wañuqlla kasqankuta. (Séla).
