Salmos 32:1-11
Davidpa takin. Maskil.*
32 May kusisqan juchan perdonasqa runaqa,llapa juchankuna pampachasqa runaqa.+
2 May kusisqan Jehová Diospa mana juchachasqan runaqa,+may kusisqan engañaypi mana piensaq runapas.
3 Ch’inlla kasqaywanmi mayta pisipapusharqani,p’unchay ch’isiyaqmi mayta pesapakuq kani.+
4 Tuta p’unchaymi makiykiqa* sinchita llasawaq.+
Kallpaypas q’oñi tiempopi unu jinan wajsipurqan. (Séla).
5 Jinan noqaqa juchayta willakurqayki,mana imata pakaspan llapanta willakurqayki.+
“Jehová Diosmanmi juchaykunata willakusaq”+ nispan nirqani.
Jinan qanqa llapa juchaykunata perdonawarqanki.+ (Séla).
6 Llapa qan sonqo runakunan mañakamusunkiku,+tarinaraq kashaqtiykin wajakamusunkiku.+
Paykunamanqa manan ima lloqllapas chayamunqachu.
7 Qanmi pakakunayqa kanki,qanmi llakimanta waqaychawanki.+
Librasqaykiwan kusisqa qapariqkunawanmi muyuykachiwanki.+ (Séla).
8 Qanmi nirqanki: “Allin reparaqmanmi tukuchisayki,maynintachus rinayki ñantan rikuchisayki.+
Ñawillaypin purichisayki, allin yuyaytan qosayki.+
9 Ama caballo jinapas ni mula jinapas kaychischu,chay animalkunaqa manan imatapas entiendenkuchu,+frenoyoq riendawan* manejanan kanku,chaykunallawanmi paykunaqa runaman asuykunku”, nispa.
10 Askhan mana allin runakunaq ñak’ariyninpas, nanayninpas,Jehová Diospi confiaqmi ichaqa mana tukukuq munakuyninta rikunqa.+
11 Chanin runakuna, Jehová Dioswan kusikuychis, paywan q’ochukuychis.
Ch’uya sonqo runakuna, llapaykichis kusikuymanta qapariychis.
