Salmos 12:1-8
-
Jehová Dios jatarinanmanta
-
“Jehová Diospa siminqa ch’uyan” (6)
-
Takiqkunata pusariqpaq. Seminij* nisqaman jina afinasqa. Davidpa takin.
12 Diosníy Jehová, libraway, junt’aq runaqa manan kanñachu.
Tukuy sonqo serviqniykikunaqa manañan runakuna ukhupiqa kanñachu.
2 Runakunaqa paykunapuran llullanakunku.
Llunk’upayaq simiwanmi rimanku,sonqonkupin ichaqa engaño kashan.+
3 Jehová Diosqa llapa llunk’upayaq simiwan rimaqkunatan chinkachinqa,payqa llapa alabakuq qallukunatan wit’unqa.+
4 Tukuchinqan: “Noqanchisqa qallunchiswanmi vencesunchis,siminchiswanmi tukuy ima munasqanchista rimasunchis,¿pin noqanchispa patronninchis kanman?”,+ nispa rimaqkunatapas.
5 Jehová Diosmi nin: “Runakunaq ñak’arisqanraykun,wajchakunaq llakisqa kasqankuraykun jatarimusaq,+paykunamanmi atiyniyta rikuchisaq.
Pisichaqninkuq makinmantan librasaq”, nispa.
6 Jehová Diospa siminqa ch’uyan,+t’uru hornopi* ch’uyayachisqa qolqe jinan,qanchis kutita ch’uyayachisqa qolqe jinan.
7 Diosníy Jehová, qanmi paykunataqa uywanki,+sapankankutan sumaqta qhawarinki,kay wiñay runakunata, jamuq wiñay runakunatapas qanmi qhawarinki.
8 Runakunaqa millay qhelli ruwaytan jatunchanku,*chaywantaq millay runakunaqa munayninkuman jina kausanku.+
