Salmos 135:1-21
135 ¡Jehová* Diosta jatunchaychis!*
Jehová Diospa sutinta jatunchaychis;Jehová Diospa kamachinkuna, payta alabaychis.+
2 Jehová Diospa wasinpi serviqkuna,Diosninchispa wasin patiokunapi llank’aqkuna, payta alabaychis.+
3 Jehová* Diosta jatunchaychis,Jehová Diosqa sumaq sonqo Diosmi,+sutinta jatunchanapaq takikunata takiychis,*payqa llamp’u sonqo Diosmi.
4 Jehová* Diosqa Jacobtan paypaq ajllakun,Israeltan munakusqan llaqta kananpaq ajllakun.+
5 Noqaqa allintan yachani Jehová Diosqa jatun Dios kasqanta;Señorninchisqa llapa dioskunamantapas aswan jatunmi.+
6 Jehová Diosqa tukuy ima munasqantan ruwan+ cielopipas kay pachapipas,llapa munasqantan ruwan lamar-qochapipas chinkay-chinkay unu ukhupipas.
7 Phuyukunatan kay pachaq k’uchunkunamantaraq jatarichimun,parachimuspan llifllikichimun,wayratan waqaychananmanta lloqsichimun.+
8 Egiptopi phiwi* wawakunatan wañuchirqan,ñaupaq wachay animalkunatan chinkachirqan.+
9 Yau Egipto, qan ukhupin imaymana señalkunata, milagrokunata ruwarqan,+faraón* contran, kamachinkuna contran chaykunata chayachimurqan.+
10 Askha nacionkunatan atiparqan,+ancha atiyniyoq reykunatan wañuchirqan.+
11 Amorreo runakunaq reynin Sehonta,+Basanpi rey Ogtawanmi+ wañuchirqan;Canaanpi reykunatapas chinkachirqanmi.
12 Paykunaq jallp’antan herenciata jina qorqan,Israel llaqtanmanmi herencian kananpaq qorqan.+
13 Diosníy Jehová, sutiykiqa wiñaypaqmi kanqa,Jehová Diosnilláy, allin reqsisqa kasqaykiqa tukuy tiempon kanqa.+
14 Jehová Diosqa llaqtantan defiendenqa,*+llapa kamachinkunatan khuyapayanqa.+
15 Nacionkunaq diosninkuq rijch’ayninkunaqa qorimanta qolqemantan,runaq makinpa ruwasqallanmi.+
16 Simiyoqmi kanku, ichaqa manan rimankuchu,+ñawiyoqmi kanku, ichaqa manan rikunkuchu.
17 Ninriyoqmi kanku, ichaqa manan uyarinkuchu.
Manan ima samariypas siminkupiqa kanchu.+
18 Pipas chay idolokunata ruwaqqa paykuna jinan kanqa,+chaykunapi jap’ipakuqkunapas paykuna jinan kanqaku.+
19 Israel runakuna, Jehová Diosta jatunchaychis,Aaronpa miraynin runakuna, Jehová Diosta alabaychis.
20 Levipa miraynin runakuna, Jehová Diosta jatunchaychis;+Jehová Diosta manchakuqkuna, Jehová Diosta alabaychis.
21 Sionmantapacha Jehová Diosqa jatunchasqa kachun,+chaymantapacha Jerusalenpi tiyaqqa+ alabasqa kachun.
¡Jehová* Diosta jatunchaychis!+
Uraypi willakuykuna
^ Chaypiqa “¡Aleluya!” nillanmantaqmi.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa “sutinpaq musicata tocaychis” nillanmantaqmi.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Egipto reykunatan “faraón” nispa niqku.
^ Chaypiqa “llaqtanpaqmi justiciata ruwapunqa” nillanmantaqmi.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
