Salmos 88:1-18
Corepa mirayninkunaq takin.+ Takiqkunata pusariqpaq. Majalaj* nisqaman jina. Turno-turnopi takinapaq. Zéra familiamanta jamuq Emanpa maskilnin.*+
88 Jehová Diosníy, libraqniy Dios,+p’unchaypin qaparisparaq yanapayta mañakamuyki,tutapitaq qanman qayllaykamuyki.+
2 Mañakusqayqa qanman chayamuchun,+auxilio mañakusqayman ninriykita k’umuykamuy.+
3 Noqaqa ñak’ariypa ñit’isqanmi kashani,+kausayniypas Sepultura* patapiñan kashan.+
4 Aya p’ampanaman uraykushaqkunawan kuskañan yupasqa kashani;+manan pipas yanapaqniy kanchu, manan kallpaypas kanñachu.+
5 Wañusqa runakuna ukhupin qonqasqa kapuni,aya p’ampanapi kumparayashaqkuna jinan kapuni,paykunaqa qonqasqañan qanpaqqa kanku,yanapayniykimantapas karupin kashanku.
6 Sinchi ukhu t’oqopin kashani, chaymanmi churaykuwanki,sinchi tutayaq ukhupin, chinkay-chinkay ukhupin kashani.
7 Phiñakuyniykiqa llasa q’epi jinan ñit’iykushawan,+imachus ruwasqaykiqa aytikuq unu jinaraqmi qhospachishawan. (Séla).
8 Reqsisqay runakunamantan karunchawanki,+paykunaq cheqninanmanmi tukuchipuwanki.
Manan mayman riyta atinichu, manan ayqekuyta atinichu.
9 Ñawiykunaqa llakikusqaywanmi tutayapushanña.+
Diosníy Jehová, p’unchay ch’isiyaqtan wajakamuyki,+qanllamanmi makiyta jaywarimuyki.
10 ¿Wañusqakuna rikuyta atinkumanchu musphanapaq ruwasqaykikunata?
¿Wañusqakuna atinkumanchu jatarimuyta qanta alabanasuykikupaq?+ (Séla).
11 ¿Aya p’ampanapi rimakunmanchu mana tukukuq munakuyniykimanta?
¿Wañusqakunaq ismusqan ukhupi* rimakunmanchu junt’aq kayniykimanta?
12 ¿Laqhayaq* ukhupi rikukunmanchu ancha jatun ruwaykuna ruwasqayki?
¿Qonqasqa runakunaq jallp’anpi yachakunmanchu chanin ruwaykuna ruwasqayki?+
13 Diosníy Jehová, noqaqa wajakamushaykiraqmi;+sapa tutamantanmi mañakuyniytaqa ñaupaykiman chayachimuyki.+
14 Diosnilláy Jehová, ¿imaraykun mana chaskiwankiñachu?+
¿Imaraykun noqamanta uyaykita pakanki?+
15 Wayna kasqaymantapachan ñak’arishani,wayna kasqaymantapachan yaqa-yaqa wañurqani.+
Khaynaniraqta ñak’arisqaywanmi manaña imatapas sienteniñachu,qanqa jinallatan qhawashanki ñak’arisqayta.
16 K’araq phiñakusqaykin sinchita ñit’ishawan;+nishutan manchachiwanki, yaqañan wañushanipas.
17 Manchachiyniykiqa unu jinaraqmi muyuykuwan.
P’unchay ch’isiyaqmi tukuy ladoymanta* muyuykuwanku.
18 Llapa amigoykunata, reqsisqaykunatan noqamanta karunchapunki,+tutayaq ukhullañan, laqhayaqllañan noqaq amigoyqa kapun.
