Salmos 116:1-19
116 Munakunin Jehová Diostaqa,payqa wajakusqaytan uyarimuwan, rogakusqaytan uyarimun.+
2 Payqa ninrintan noqaman k’umuykamuwan,+chaymi kausanay p’unchaykamaqa payllata wajakusaq.
3 Wañuypa waskhankunan muyuykushawarqan,Sepulturaq* makinpiñan kasharqani.+
Manchakuymi, llakikuymi dueñochakushawarqan.+
4 Jinan Jehová Diosta sutinmanta wajakurqani.+
“¡Diosníy Jehová kaymanta orqoway!” nispan nirqani.
5 Jehová Diosqa khuyapayakuq Diosmi, chanin Diosmi,+Diosninchisqa may sumaq sonqo Diosmi.+
6 Jehová Diosqa mana experienciayoq runakunatan pakaykun.+
Noqaqa llakiq ñit’isqanmi kasharqani,paymi noqataqa salvawarqan.
7 Jehová Diosmi sumaqta qhawariwan,sonqoyqa thajllan kanqa, allillanmi kanqa.
8 Qanmi wañuymanta librawarqanki,ñawiykunamantan weqeykunata picharqanki,chakiykunatan urmananmanta ayqechirqanki.+
9 Kausanaykamaqa Jehová Diospa ñaupallanpin purisaq.
10 Noqaqa iñirqanin, chaymi rimarirqani;+maytapunin ñak’arisharqani, nishutan sufrisharqani.
11 May manchasqan tarikurqani, jinan nirqani:
“Llapa runakunan llullakama kanku”,+ nispa.
12 Jehová Diosqa imaymana allinkunatan ruwapuwarqan,¿imaynatan kunan kutichipusaq?
13 Jehová Diostan sutinmanta wajakusaq,librawasqanmanta agradecekunaypaqmi qowasqan copamanta ujasaq.*
14 Jehová Diosman promesa ruwasqaykunatan junt’asaq,llaqtanpa rikushasqanmi chaykunata qopusaq.+
15 Jehová Diospaqqa may nanaymi* serviqnin runaq wañupusqanqa,+may llakikuymi kamachin runaq wañupusqanqa.
16 Diosníy Jehová, noqaqa kamachiykin kani.
Warmi kamachiykiq wachakusqan kamachin kani.
Qanmi cadenakunamanta kacharichiwarqanki.+
17 Graciasta qonapaq sacrificiotan jaywamusayki,+Jehová Diosníy, sutiykitan jatunchasaq.
18 Jehová Diosman promesa ruwasqaykunatan junt’asaq,+llaqtanpa rikushasqanmi chaykunata qopusaq,+
19 Jehová Diospa wasin patiopin chaykunata entregasaq,+Jerusalén llaqta, qan ukhupin chaykunata qopusaq.
¡Jehová* Diosta jatunchaychis!*+
