Salmos 70:1-5
-
Usqhaylla yanapay mañakuymanta
-
“Diosnilláy, usqhaylla jamuy, yanapaykuway” (5)
-
Takiqkunata pusariqpaq. Davidpa takin, runakuna yuyarinanpaq.
70 Diosnilláy, libraway;Diosníy Jehová, usqhaylla jamuy, yanapaykuway.+
2 Wañuchiyta munawaqkuna pisichasqa kachunku,p’enqasqa qhepachunku.
Llakipi tarikusqaywan kusikuqkunapas k’umuchisqa kutipuchunku.
3 “¡Allinmi chhaynapi tarikusqanqa!”, nispa asipayawaqkunaqa
llapanku p’enqasqa kutipuchunku.
4 Maskhaqniykikuna ichaqa kusikuchunku,qanrayku may kusisqa kachunku.+
Imayna salvasqaykiwan kusikuqkuna nichunku:
“¡Jatunchasqa kachun Diosqa!”, nispa.
5 Noqaqa mana piniyoq wajchan kani.+
Diosnilláy, usqhaylla jamuy, yanapaykuway.+
Qanmi yanapawaqniyqa, librawaqniyqa kanki.+
Diosníy Jehová, amayá nishutaqa suyachikuwaychu.+
