Salmos 53:1-6
Takiqkunata pusariqpaq. Majalaj* nisqaman jina. Maskil.* Davidpa takin.
53 Mana yuyayniyoqkunan sonqonkupi nishanku:
“Manan Jehová Diosqa kanchu”,+ nispa.
Ruwasqankunaqa mana chaninmi, sinchi millaymi;manan mayqenpas allin ruwaqqa kanchu.+
2 Jehová Diosqa llapa runakunatan qhawamushan, janaq pachamantan payqa qhawamushan,+kanchus allin reparaq runa icha manachus chaytan qhawamushan,kanchus Diosta maskhaq icha manachus chaytan qhawamushan.+
3 Llapankun mana allin ñanman jaykupunku,llapankun mana allin ruwaqkuna kanku.
Manan mayqenninkupas allin kaqtaqa ruwanchu,manan ni jujpas allin kaqta ruwaqqa kanchu.+
4 Mana allin ruwaqkunaqa, ¿manachu mayqellanpas imatapas entiendenku?
Llaqtaytan paykunaqa t’antata jinaraq mijupunku;manan Jehová Diostapas maskhankuchu.+
5 Ichaqa sinchi manchakuymi paykunata jap’inqa,mana jayk’aq manchakusqankutan manchakunqaku;Diosmi qan contra sayariqpa tullunkunata wisñinqa.
Manataq Jehová Dios paykunata chaskinchu chayqa,qanmi paykunata p’enqayman churanki.
6 ¡Israelta libraqqa Sionmanta jamuchun!+
Jehová Dios llaqtanta juñuqtin Jacob kusikuchun,apasqa kasqankumanta kutichimuqtin Israel kusikuchun.
