Salmos 98:1-9
-
Jehová Diosqa libraq, chanin juez kasqanmanta
-
Jehová Dios libraq kasqanta reqsichikusqanmanta (2, 3)
-
Taki.
98 Jehová Diosman mosoq takita takiychis;+payqa musphanapaq ruwaykunatan ruwarqan.+
Paña makinwanmi, ch’uya makinwanmi payqa librawarqanchis.*+
2 Jehová Diosqa libraq Dios kasqantan reqsichikurqan,+nacionkunaq ñaupanpin chanin kayninta rikuchirqan.+
3 Mana tukukuq munakuywan Israelta munakusqantan yuyarin,Israelpa wasinpaq junt’aq kasqantan yuyarin.+
Llapa kay pachan rikun Diosninchispa librasqantaqa.*+
4 Llapa kay pacha Jehová Diosman kusisqa takichun.
Kusikuychis, q’ochukuychis, jatunchay takikunata takiychis.*+
5 Arpata tocaspa Jehová Diosman takiychis,jatunchay sumaq takikunata payman takiychis.
6 Trompetakunata tocaychis, waqrata phukuychis,+reyninchis Jehová Diospa ñaupanpi kusisqa qapariychis.
7 Lamar-qochapas chaypi kaqkunapas kusikuymanta qaparichunku,jallp’a pachapas chaypi kaqkunapas kusikuymanta qaparichunku.
8 Mayukuna kusikuymanta t’aqllakuchunku,orqokunapas juj nisqalla kusisqa qaparichunku.+
9 Jehová Diospa ñaupanpi kusikuymanta qaparichunku,payqa kay pachata juzgaqmi jamushan.
Chanin kaywanmi kay pachata juzganqa,+junt’aq kaywanmi llaqtakunata juzganqa.+
