Salmos 99:1-9
99 Jehová Diosmi rey kapun.+
Llapa llaqtakuna khatatatachunku.*
Querubín angelkuna patapi* kaq trononpin tiyashan.+
Llapa kay pacha manchakuymanta khatatatachun.
2 Jehová Diosqa ancha jatunmi Sionpiqa,llapa llaqtakunapas paypa makinpin kashan.+
3 Paykuna sutiykita jatunchachunku,+sutiykiqa may jatunmi, may ch’uyan.
4 Payqa atiyniyoq reymi, chanin kaqta munakuqmi.+
Qanmi chanin kaqta allinta sayachirqanki.
Jacobmanmi chanin kayta, allin kayta chayachimurqanki.+
5 Jehová Diosninchista jatunchaychis,+chaki sarunanman k’umuykuychis,+ payqa ch’uyan.+
6 Moiseswan Aaronpiwanmi sacerdotenkuna karqanku,+Samueltaq sutinmanta wajakuqkuna ukhupi kasharqan.+
Paykunan Jehová Diosta wajakuqku,paytaq wajakusqankuta uyarimuq.+
7 Diosqa sayaq phuyumantan paykunata rimapayamuq.+
Paykunataq yuyarichiyninkunata leyninkunata kasukuqku.+
8 Diosniyku Jehová, qanmi paykunata uyarimuq kanki.+
Perdonakuq Diosmi paykunapaqqa karqanki,+ichaqa juchankumantan castigarqanki.+
9 Jehová Diosninchista jatunchaychis,+ch’uya orqonman k’umuykuychis,+Jehová Diosninchisqa ch’uya Diosmi.+
