Salmos 4:1-8
Takiqkunata pusariqpaq. Cuerdayoq tocanakunawan yanapachikunapaq. Davidpa takin.
4 Chanin Diosnilláy,+ wajakusqayta uyarimuway.
Llakikuymanta lloqsinaypaq ñanta kichariway.
Khuyapayaykuway, mañakusqayta uyarimuway.
2 Yau runakuna,* ¿jayk’aqkaman pisichawankichis?
¿Jayk’aqkaman mana valeq kaqta munakunkichis?
¿Jayk’aqkaman yanqa kaqta maskhankichis?
¿Jayk’aqkaman llullakuspalla purinkichis? (Séla).
3 Yachaychis, Jehová Diosqa may sumaqtan qhawarinqa* junt’aq sonqowan serviqnintaqa;Jehová Diosqa uyarimuwanqan wajakusqaytaqa.
4 Phiñasqa kashaspaqa aman juchallikunkichischu.+
Puñunapi kashaspa sonqollaykichispi imatapas rimaychis,jinaspa ch’inlla kaychis. (Séla).
5 Chanin sacrificiota jaywaychis,Jehová Diospi confiaychis.+
6 Askhan nishanku: “¿Pin allin kaqkunata rikuchiwasun?”, nispa.
Diosníy Jehová, sumaq qhawariyniyki k’anchaykuwachunku.+
7 Qanmi sonqoyta kusichiwanki.
Sonqoyqa askha cosecha oqariqmantapas aswan kusisqan kashan,askha mosoq vinoyoq runamantapas aswan kusisqan kashan.
8 Puñunaymanmi suchuykusaq, thajmi puñukusaq,+qanllan Diosníy Jehová imamantapas allinta waqaychawanki.+
Uraypi willakuykuna
^ Hebreo rimaypiqa “runakunaq churinkuna” ninmi.
^ Chaypiqa “paypaqmi t’aqanqa” nillanmantaqmi.
