Salmos 18:1-50
Takiqkunata pusariqpaq. Jehová Diospa kamachin Davidpa takin. Saulmanta llapa enemigon runakunamantawan Jehová Diospa librasqan p’unchaymi Davidqa kay takita Jehová Diosman takirqan. Khaynatan nirqan:+
18 Diosníy Jehová, noqaqa munakuykin,qanmi kallpay kanki.+
2 Jehová Diosqa jatun qaqaymi, allin perqasqa llaqtaymi, librawaqniymi.+
Diosniyqa jatun qaqan,+ paypin noqaqa pakakuni,payqa jark’aykuwaqniy escudon, ancha atiyniyoq libraqniymi,*payqa mana piqpa chayanan pakakunaymi.+
3 Noqaqa jatunchana Jehová Diostan wajakuni,paymi cheqniwaqniy runakunamanta librawanqa.+
4 Wañuypa waskhankunan muyuykushawarqan,+millay runakunan lloqlla jinaraq jamushawarqan.+
5 Sepulturaq* waskhankunan muyuykushawarqan,wañuypa trampankunan jap’iyta munashawarqan.+
6 Llakikuypin Jehová Diosta wajakurqani,yanapaynintan tukuy sonqo mañakurqani.
Diosniypa wasinmanmi kunkay chayarqan,+auxilio mañakusqaytan uyarimuwarqan.+
7 Jinan jallp’a pachaqa chhafchikuyta qallarirqan,+orqokunaq cimentacionninpas kuyukachaytan qallarirqan,paypa phiñakusqanwanmi khatatatayta* qallarirqanku.+
8 Senqanmantan q’osñi lloqsimurqan,siminmantataq manchay nina rauray lloqsimurqan.+
Paymantaqa sansaraqmi lloqsimurqan.
9 Uraykamushaspan cielota k’umuykachirqan;+chakinkunaq uranpiqa yana phuyukunan kasharqan.+
10 Querubín ángel patapin phalaspa jamurqan.+
Juj angelpa rafranpin* phawaylla phawaykamurqan.+
11 Payqa laqhayaywanmi* k’uyukurqan,pakakushaq jinan tutayaywan p’istukurqan,+parantin yana phuyuwanmi k’uyukurqan.+
12 Paypa ñaupanpin k’anchay k’ancharirqan,jinan phuyu ukhumanta chijchi, raurashaq sansa ima t’akarikamurqan.
13 Jehová Diosmi janaq pachapi rayo jina t’ojarqan,+ancha jatun Diospa kunkanmi uyarikurqan,+chijchiwan parishaq sansawan kuskan chayamurqan.
14 Flechantan flechamurqan, cheqnikuwaqniy runakunatan ch’eqerichirqan.+
Llifllikiytan, rayotan kachaykamurqan, llapankutan mancharichirqan.+
15 Mayukunaq ukhunraqmi rijurirqan,+jallp’a pachaq cimentacionninmi rijurimurqan,Diosníy Jehová, anyasqaykiwanmi chaykuna karqan,senqaykiq phukusqanwanmi chaykuna pasarqan.+
16 Wichaymantapachan makinta jaywarimurqan,jap’iykuwaspan unu ukhumanta orqomuwarqan.+
17 Atiyniyoq enemigoymantan kacharichiwarqan,+noqamanta aswan atiyniyoq cheqnikuwaqniykunamantan librawarqan.+
18 Sasachakuy p’unchaypin paykunaqa phawaykamuwarqanku,+ichaqa Jehová Diosmi noqataqa yanapawarqan.
19 Paymi llakikuyniymanta librawarqan,sonqonpaq jina kasqayraykun librawarqan.+
20 Jehová Diosqa chaninta kausasqayman jinan premiota qowan,+ch’uya makiyman jinan payqa kutichipuwan.+
21 Noqaqa Jehová Diospa ñannillanpin purirqani,manan jayk’aqpas Diosniymanta t’aqakuy juchataqa ruwarqanichu.
22 Kamachikuyninkunaqa umallaypin kashan;leyninkunataqa manan jayk’aqpas pisichasaqchu.
23 Paypa ñaupanpiqa ch’uyallatan kausasaq,+llapa ima juchamantan cuidakusaq.+
24 Jehová Diosqa chaninta kausasqayman jina premiota qowachun,+paypa ñaupanpi ch’uya makiyoq kasqayman jina kutichipuwachun.+
25 Diosníy, junt’aq sonqoyoqpaqqa junt’aqllataqmi kanki,+chaninta kausaqpaqqa chaninllataqmi kanki.+
26 Ch’uyata kausaqpaqqa ch’uyallataqmi kanki,+millay runamanmi ichaqa mana allinwan kutichinki.+
27 Qanqa llamp’u sonqo* runatan salvanki,+jatunchakuq runatataq k’umuchinki.+
28 Diosníy Jehová, qanmi mecheroy* jap’ichiqqa kanki,Diosníy, qanmi tutayaqpi k’anchawaqniyqa kanki.+
29 Yanapayniykiwanqa askha suwakunamanpas phawaykuymanmi;+Diosniypa atiyninwanqa may alto perqatapas seqaruymanmi.+
30 Jehová Diospa rimasqanqa ch’uyan,*+paypa tukuy ima ruwasqanpas allinpunin.+
Payqa jark’apakuna escudo jinan pakakuqninkunapaq.+
31 ¿Jehová Diosmanta pipas juj Dios kanmanchu?+
¿Pipas Diosninchis jina jatun qaqa kanmanchu?+
32 Diosmi* noqataqa kallpawan p’achachiwan,+paymi ñanniytaqa sumaqta allichanqa.+
33 Payqa tarukaq chakinman jinan chakiyta tukuchin,alto patakunapipas qaqatan sayachiwan.+
34 Paymi makiytapas guerrapaq yachachin,makiykunaqa cobremanta arcotapas mat’inmanmi.
35 Diosníy, qanmi qowanki qespichiq escudota,+paña makiykin qaqata jap’iwan,humilde sonqo kasqaykin jatunchawan.+
36 Purinay ñantan jatunta kichanki,chakiykunaqa manan llusk’anqachu.+
37 Enemigoy runakunatan qatipasaq,aypaspan ch’usaqman tukuchisaq,llapankuta chinkachispañan kutimusaq.
38 Pampamanmi paykunata ñit’isaq,mana jatariqpaqmi sarusaq,+ñaupaypin pampaman urmanqaku.
39 Qanmi maqanakuypaq kallpachawanki,llapa contraypi kaqkunatan ñaupaypi mast’a pampata ruwanki.+
40 Enemigoykunatan ñaupaymanta ayqerichinki,llapa cheqnikuwaqniy runakunatan ch’usaqman tukuchisaq.+
41 Paykunaqa yanapaytan mañakunqaku,ichaqa manan pipas yanapaq kanqachu.
Jehová Diostan wajakunqaku,ichaqa manan uyarimunqachu.
42 Paykunataqa wayraq apasqan ñut’u jallp’ata jinan ñut’usaq,callekunapi t’uruta jinan jawaman wijch’usaq.
43 Qanmi llaqtaq contraypi rimasqanmanta salvawanki.+
Nacionkunaq umallin kanaypaqmi churawanki.+
Mana reqsisqay llaqtan noqataqa serviwanqa.+
44 Noqamanta rimaqta uyarispallan paykunaqa kasuwanqaku.
Waj llaqtayoq runakunan manchan-manchan jamuwanqaku.+
45 Waj llaqtayoqkunan pisi kallpayanqaku,pakakusqankumantan khatatatasparaq jamunqaku.
46 ¡Jehová Diosqa kausaq Diosmi!
¡Jatunchasqa kachun pakakunay qaqaqa!+
¡Jatunchasqa kachun qespichiwaqniy Diosqa!+
47 Diosqa noqaq favorniypin vengakunqa,+ñaupaymanmi llaqtakunata k’umuchinqa.
48 Cheqnikuwaqniy millay runakunamantan kacharichiwan.
Qanqa contraypi sayariqkunamanta aswan altomanmi oqariwanki,+sinchi millay runakunamantan qespichiwanki.
49 Diosníy Jehová, nacionkunaq chaupinpin jatunchasayki,+sutiykita jatunchaspan tukuy sonqo takisaq.+
50 Payqa jatun ruwaykunata ruwaspan* reyninta libran.+
Ajllakusqanmanqa mana tukukuq munakuynintan rikuchin,+Davidta miraynin runakunatawanmi wiñaypaq munakun.+
Uraypi willakuykuna
^ Khatatataytaqa “kharkatiy” nillankutaqmi.
^ Chaypiqa “Wayraq rafranpin” nillanmantaqmi.
^ Laqhayaqtaqa “tutayaq” nillankutaqmi.
^ Chaypiqa “ñak’ariq” nillanmantaqmi.
^ Chaypiqa “lamparay” nillanmantaqmi.
^ Chaypiqa “ninawan ch’uyayasqan” nillanmantaqmi.
^ Chaypiqa “Cheqaq Diosmi” nillanmantaqmi.
^ Chaypiqa “jatun maqanakuykunata atipaspan” nillanmantaqmi.
