Salmos 141:1-10
Davidpa takin.
141 Diosníy Jehová, noqaqa qanmanmi jamuyki.+
Usqhaylla jamuy, yanapaykuway.+
Wajakamuqtiy makilla uyarimuway.+
2 Mañakusqayqa ñaupaykipi allin preparasqa+ incienso+ jina kachun,makiy oqarisqaypas tarden jaywasqa jak’u ofrenda jina kachun.+
3 Jehová Diosnilláy, simiypaq juj qhawaqta churay,ama simiymanta ima mana allinpas lloqsichunchu.+
4 Ama munaychu sonqoy mana allin kaqwan suwachikunanta,+millay runakunaq ruwasqanwan aysachikunanta.
Ama jayk’aqpas sumaq mijuna mijuyninkupiqa kasaqchu.
5 Chanin runachus castigawanman chayqa,mana tukukuq munakuynintan payqa rikuchishawanman;+paypa anyawasqanqa* umaypaq sumaq aceite jinan kanman,+umayta llamp’uyachiq aceite jinan kanman, manan wijch’uykuymanchu.+
Ima desgraciapiña tarikuqtinpas mañakushallasaqmi paypaqqa.
6 Juezkunataña qaqapachinkuman chaypas,llaqta runakunaqa uyarinqakun rimasqaytaqa,may munaymi noqaq rimasqayqa.
7 Imaynan yapuspaqa* jallp’ata phatachispa wisñikun,chhaynan tullunchiskunapas wisñirisqa kashan,Sepulturaq* punkunpin t’akarisqa kashan.
8 Tukuy munayniyoq Señor Jehová,qanpin ñawiyqa kashan,+qanpin noqaqa pakakushani.
Amayá munaychu wañunaytaqa.
9 Churawasqanku trampamanta pakaykuway,mana allin ruwaqkunaq waskhanmanta waqaychaway.
10 Millay runakunaqa paykunan trampankuman urmanqaku,llapankun trampa churasqankuman jaykunqaku,+noqan ichaqa mana imanasqalla, qhalilla ayqekusaq.
