Salmos 47:1-9
Takiqkunata pusariqpaq. Corepa churinkunaq takin.+
47 Llapa llaqtakuna t’aqllakuychis.
Atipasqanmanta Diosta kusisqa jatunchaychis.
2 Jehová Diosqa, ancha jatun Diosqa manchakunapaqmi,+jallp’a pachantinpi may jatun reymi.+
3 Payqa llaqtakunatan noqanchisman k’umuchin,nacionkunatan ñaupanchisman churamun.+
4 Payqa Jacobtan munakurqan,paymi herenciatapas ajllapuwarqanchis,+chay herenciaqa Jacobpa jatunchakunanmi.+ (Séla).
5 Diosqa kusikuymanta qaparishaqtinkun wichapurqan,Jehová Diosqa waqrata tocashaqtinkun wichapurqan.
6 Diospaq tocapuychis, jatunchay takikunata tocapuychis.
Reyninchispaq takipuychis, jatunchay takikunata takipuychis.
7 Diosmi kay pacha reyqa,+paypaq takipuychis, allin yuyaywantaq kausaychis.
8 Diosmi nacionkunaq reynin kapun.+
Payqa ch’uya trononpin tiyashan.
9 Llaqtakunapi umallikunan juñunakushanku,Abrahanpa Diosninpa llaqtanwanmi juñunakushanku.
Kay pachapi autoridadkunaqa Diospan kanku.
Payqa lliumantapas aswan altopin kashan.+
