Salmos 85:1-13
Takiqkunata pusariqpaq. Corepa churinkunaq takin.+
85 Diosníy Jehová, jallp’ayki llaqta runakunatan khuyapayarqanki,+Jacobpa churinkunatan apasqa kasqankumanta kutichimpurqanki.+
2 Llaqtaykiq juchantan perdonarqanki,llapa juchankutan pampacharqanki.+ (Séla).
3 Phiñakuyniykitan thasnurqanki,k’araq phiñakuyniykitan wijch’upurqanki.+
4 Salvaq Diosniyku, jujmanta chaskiwayku,*ama noqaykuwan phiñasqallaqa kaychu.+
5 ¿Wiñaypaqchu noqaykuwan phiñasqa kanki?+
¿Watan-watanchu phiñasqalla kanki?
6 ¿Manachu llaqtayki runakunaman kallpata qowankiku?
¿Manachu kallpachawankiku llaqtayki qanwan kusikunaykupaq?+
7 Diosníy Jehová, mana tukukuq munakuyniykita rikuchiwayku,+ama jinachu kay, llapaykuta librawayku.
8 Tukuy yuyaywanmi Jehová Diospa imachus nisqanta uyarisaq,payqa thaj kaymantan llaqtantapas,+ pay sonqo kaqkunatapas rimapayanqa.
Ichaqa allinchá kanman amaña paykunallapichu confiakunkuman chayqa.+
9 Payqa liston kashan manchakuqnin runakunata salvananpaq,+chhaynapi pay kay pachapi jatunchasqa kananpaq.
10 Mana tukukuq munakuymi junt’aq kaywan juñukunqa,chanin kaymi thaj kaywan much’anakunqa.+
11 Junt’aq kaymi jallp’amanta ch’ijchirimunqa,chanin kaytaq janaq pachamanta qhawarikamunqa.+
12 Arí, Jehová Diosqa allin kaqtan qowasun,+jallp’anchispas sumaqtan mijuyta qowasun.+
13 Chanin kaymi paypa ñaupanta purinqa,+purinan ñantan sumaqta kicharinqa.
Uraypi willakuykuna
^ Chaypiqa “juñuwayku” nillanmantaqmi.
