Salmos 142:1-7
Maskil.* T’oqopi kashaspa Davidpa mañakusqan.+
142 Jehová Diostan wajakuni, yanapaynintan mañakuni.+
Jehová Diospa khuyapayaynintan rogakuni.
2 Paymanmi llapa llakikuyniyta mast’arini,paymanmi llapa ñak’arisqayta willakuni,+
3 kallpay pisiyaqtinpas paytan wajakuni.
Diosníy, qanqa rikushankin mayninchus purisqayta.+
Purisqay ñanpin cheqniwaqniykunaqa trampata churanku.
4 Paña ladoyta qhawariy,manan pipas cuentata churawanchu.+
Manan mayman ayqeyta atinichu;+manan pipas qhawariwaqniy kanchu.
5 Diosníy Jehová, yanapayniykitan mañakamushayki,noqan niyki: “Qanmi pakakunayqa kanki,+qanllan kay pachapiqa tukuy imaypas kanki”, nispa.
6 Auxilio mañakusqayta uyarimuway,sinchi llakipin tarikushani.
Qatikachawaq runakunamanta libraway,+paykunaqa aswan kallpasapan kanku.
7 Kay t’oqo ukhumanta orqoway,sutiykitan jatunchayta munani.
Sumaqta qhawariwasqaykita rikuspan,chanin runakunaqa qayllaypi kusikunqaku.
