Salmos 73:1-28
-
Junt’aq sonqo runa yuyayman kutisqanmanta
Asafpa takin.+
73 Diosqa may sumaqpunin Israelwanqa,may sumaqpunin ch’uya sonqo runakunawanqa.+
2 Noqan ichaqa yaqalla mana allin ñanman jaykurqani,yaqallan chakiykunapas llusk’arqan.+
3 Uma oqariqkunamantan envidiakurqani,mana allin ruwaqkunaq thaj kayninta rikuspan envidiakurqani.+
4 Paykunaqa wañupunankukaman thajlla kausanku,cuerponkupas qhalillan kashan, allin mijusqan kausanku.+
5 Manan jujkuna jina llakisqachu kausanku,+manan juj runakuna jinachu ñak’arinku.+
6 Paykunaqa jatunchakuq kaywanmi collarwan jina walqakunku,+jujkuna ñak’arichiywanmi p’achawan jina churakunku.
7 Wirallaña kasqankuwanmi ñawinkupas mana rikukunñachu;sonqonkuq munasqanmantapas astawanraqmi imaymanata juñunku.
8 Asipayakuqkunan kanku, k’araqtan imatapas rimanku,+jatunchakuspan jujkunata manchachinku, sarunchaytan munanku.+
9 Cielo sayaypas kankuman jinaraqmi jatunchakuspa rimanku,kay pachapipas imaymanamanta alabakuspan purinku.
10 Chayraykun Diospa llaqtanqa paykunata qatikunku,paykunaq ununtan imata jinaraq tomanku.
11 Chay mana allin ruwaqkunan nishanku:
“¿Dios yachanmanchu chaykuna ruwasqanchista?+
¿Ancha jatun Dios rikushanmanchu llapa kaykunata?”, nispa.
12 Chhaynan kanku mana allin runakunaqa,manan paykunaqa imamantapas llakikunkuchu.+
Astawan-astawanraqmi qhapaq kaykunatapas juñushanku.+
13 Chhaynaqa, yanqapaqchá riki ch’uya sonqo karqani,yanqapaqchá riki mana juchayoq kasqayta rikuchinaypaqpas makiyta maqchikurqani.+
14 Sapa p’unchaymi llakisqalla kaq kani,+sapa tutamantanmi castigasqa kaq kani.+
15 Chaykunatachus rimayman karqan chayqa,llaqtaykitachá traicionayman karqan.
16 Chaykunata entiendeyta munasqaymi mayta llakichiwaq.
17 Diospa ch’uya wasinman rinaykaman chhayna kasharqani,chaypiñan allinta entienderqani imapichus tarikunqaku chayta.
18 Qanmi paykunataqa llusk’a pampapi sayachinki;+paykunaqa urmanqakun, chinkachisqan kanqaku.+
19 ¡Ñawi ch’illmiyllapin paykunaqa chinkachisqa kanqaku!+
¡Qonqayllan ch’usaqman tukuchisqa kanqaku!
¡Chinkachisqa kasqankuqa manchakuymi kanqa!
20 Jehová Diosníy, mosqoy jinallan paykunaqa kanqaku.
Jatarispan paykunataqa pisichaspa cheqnikunki.*
21 Sonqoyqa may nanasqan kasharqan,+ukhuyqa maytan k’arasharqan.
22 Mana yuyayniyoqmi karqani, manan imatapas entienderqanichu.
Ñaupaykipiqa uywa jinan kasharqani.
23 Kunanmi ichaqa qanllawan kashani,paña makiymantan qaqata jap’ishawanki.+
24 Yuyaychayniykiwanmi pusashawanki,+chaymantataq jatunchasqa kayman apawanki.+
25 ¿Piniytaq janaq pachapiri kashan? Qanllan kashanki.
Kay pachapipas qanmanta jujtaqa manan munanichu.+
26 Cuerpoypas sonqoypas yaqapaschá pisipanman,ichaqa Diosmi sonqoytaqa kallpachan, paymi pakakunay qaqaqa,paymi wiñay-wiñaypaq herenciayqa.+
27 Qanmanta karunchakuqkunaqa wañunqakupunin;qanta saqeqkunataqa* llapantan ch’usaqman tukuchinki.+
28 Noqapaqqa may allinpunin Diosman qayllaykuyqa.+
Tukuy munayniyoq Señor Jehová Diosmi noqaq pakakunayqa,paypa tukuy ima ruwasqantan willasaq.+
