Salmos 29:1-11
Davidpa takin.
29 Kallpasapakunaq wawankuna, Jehová Diosman imachus qonaykichista qoychis,Jehová Diosqa ancha jatunmi, atiyniyoqtaqmi kanpas,payman jatunchaytapas alabaytapas qoychis.+
2 Jehová Diospa sutinta jatunchaychis.
Ch’uya p’achayoqkama Jehová Diosman k’umuykuychis.*
3 Jehová Diospa kunkanqa phuyukuna* patapin uyarikun,ancha jatun Diospa kunkanqa rayo jinan t’ojashan.+
Jehová Diosqa askha unukuna patapin kashan.+
4 Jehová Diospa kunkanqa may atiyniyoqmi,+Jehová Diospa kunkanqa ancha sumaqmi.
5 Jehová Diospa kunkanqa cedro sach’akunataraqmi ch’eqtan,Jehová Diosqa Líbano wichaypi cedro sach’akunataraqmi ñut’un.+
6 Líbano orqo-orqotapas uña torota jinan p’itachin.
Sirión orqotapas+ maltallaraq kashaq salqa torota jinan p’itachin.
7 Jehová Diospa kunkanqa nina jinaraqmi waqtakun.+
8 Jehová Diospa kunkanqa ch’inneq ladokunataraqmi chhafchirin,+Jehová Diosqa Cadés lado ch’inneqkunataraqmi+ kuyurichin.
9 Jehová Diospa kunkanqa tarukakunataraqmi khatatatachin,* tarukakunataraqmi wachachin,paypa kunkanqa montekunatan mana sach’ayoqta q’arata saqen.+
Wasinpin qaparinku: “¡Jatunchasqa kachun Diosqa!”, nispa.
10 Jehová Diosqa trononpin tiyashan,askha unu patapin* tiyashan.+
Jehová Diosqa rey jinan trononpi tiyashan,wiñay-wiñaypaqmi tiyashan.+
11 Jehová Diosmi llaqtanman kallpata qonqa,+Jehová Diosmi thaj kaywan llaqtanta bendecinqa.+
