Salmos 140:1-13
Takiqkunata pusariqpaq. Davidpa takin.
140 Diosníy Jehová, millay runakunamanta libraway,mana allin runakunamanta pakaykuway.+
2 Paykunaq sonqonqa mana allinkunallapin yuyaykushan,+p’unchay ch’isiyaqmi ch’aqwayllapi kashanku.
3 Qallunkupas mach’aqwaypa qallun jinan filollaña kashan,+rimasqankupas mach’aqwaypa venenon jinaraqmi.+ (Séla).
4 Jehová Diosnilláy, millay runakunamanta waqaychaway;+mana allin runakunamanta jark’aykuway,urmachiwanankupaq rimanakuq runakunamanta pakaykuway.
5 Jatunchakuq runakunaqa urmanaypaqmi trampata pakanku,ñan patakunapin llikakunata mast’anku.+
Waskhakunatan noqapaq churanku.+ (Séla).
6 Jehová Diostan nini: “Qanmi Diosniyqa kanki.
Jehová Diosníy, yanapay mañakusqayta uyarimuway”,+ nispa.
7 Tukuy munayniyoq Señor Jehová Dios,jatun atiywan libraqniy Dios,qanmi maqanakuypi umayta pakaykunki.+
8 Jehová Diosníy, amapuni millay runakunamanqa munasqankuta qoychu.
Amapuni munaychu ima yuyaykusqankupas allin kanantaqa,mana chayqa yaqapas jatunchakuqman tukupunkuman.+ (Séla).
9 Muyuykuwaq runakunaq siminqa paykunaman chayachun,chay runakunaq mana allin rimasqankuqa paykunaman kutichun.+
10 Raurashaq sansakuna paykunaman chayachun,+nina raurayman wijch’uykusqa kachunku,t’oqo ukhuman* choqaykusqa kachunku,+amaña jayk’aqpas sayarimuchunkuchu.
11 Yanqa tumpaq runaqa ama kay jallp’api juj cheqasta tarichunchu.+
Mana allin kaq millay runata qatikachachun, chinkachinankama qatichun.
12 Noqaqa allintan yachani,Jehová Diosqa yanapanqapunin ñak’ariqkunataqa,wajchakunapaqpas ruwapunqapunin justiciataqa.+
13 Chanin runakuna sutiykita jatunchachun.
Chanin kausaqkunaqa ñaupaykipin tiyanqaku.+
Uraypi willakuykuna
^ Chaypiqa “unu p’uytuman” nillanmantaqmi.
