Salmos 86:1-17
Davidpa mañakusqan.
86 Diosníy Jehová, ninriykita k’umuykamuway, kutichimuway;wajchan kani, maytan ñak’arishani.+
2 Noqaqa qan sonqon kani,+ vidayta pakaykuway.
Noqaqa qanpin confiani, kay kamachiykita libraway,qanmi noqaq Diosniyqa kanki.+
3 Diosnilláy Jehová, khuyapayaykuway,+noqaqa p’unchay ch’isiyaqmi qanta wajakamushayki.+
4 Diosníy Jehová, kay kamachiykita kusichiy,noqaqa qanllatan wajakamuyki, qanllamanmi jamuyki.
5 Qanqa Diosníy Jehová, sumaq sonqo Diosmi kanki,+liston kashanki juchata perdonanaykipaqpas.+
Qanta wajakamuqkunapaq mana tukukuq munakuyniykipas may jatunmi.+
6 Jehová Diosnilláy, mañakusqayta uyarimuway,yanapawanaykipaq rogakusqayta uyarimuway.+
7 May llakisqa tarikuspaymi wajakamuyki,+noqaqa yachanin uyariwanaykita.+
8 Jehová Diosníy, dioskuna ukhupiqa manan pipas qan jinaqa kanchu,+manan pipas qan jina ancha jatun ruwaykunata ruwaqqa kanchu.+
9 Jehová Diosníy, llapa kamasqayki nacionkunan qanman jamusunki,qanman jamuspan ñaupaykipi k’umuykunqaku,+qanman k’umuykuspan sutiykita jatunchanqaku.+
10 Qanqa may jatun Diosmi kanki,musphanapaq jina ruwaykunatan ruwanki.+
Qan sapallaykin Diosqa kanki.+
11 Diosníy Jehová, ñanniykita reqsichiway.+
Noqaqa cheqaq yachachikuyniykiman jinan purisaq.+
Sonqoyta jujllachay,* chhaynapin sutiykita manchakusaq.+
12 Jehová Diosníy, tukuy sonqoywanmi jatunchayki,+sutiykitapas wiñay-wiñaypaqmi jatunchasaq,
13 noqapaq mana tukukuq munakuyniykiqa jatunpunin,Sepulturamantan* kausayniyta librarqanki.+
14 Diosnilláy, jatunchakuq runakunan noqa contra jatarishanku,+millay mana allin runakunan wañuchiyta munashawanku,paykunaqa manan qantapas respetasunkikuchu.+
15 Qanqa Diosníy Jehová, khuyapayakuq, sumaq sonqo Diosmi kanki,pacienciakuq,* mana tukukuq may jatun munakuyniyoq Diosmi kanki,llapa rimasqanta junt’aq Diosmi kanki.+
16 Noqaman kutirimuy, khuyapayaykuway.+
Kay kamachiykiman kallpata qoway,+kamachiyki warmiq wawanta libraway.
17 Sumaq sonqo kasqaykimanta juj señalta rikuchiway,chayta rikuspa cheqniwaqniykuna p’enqasqa qhepanankupaq.
Jehová Diosníy, qanmi yanapaqniypas kallpachaqniypas kanki.
