Salmos 124:1-8
Wichanapaq taki. Davidpa takin.
124 “Manachus Jehová Dios noqanchiswan kashanman karqan chayqa”.+
Kunanqa qankunañataq Israel runakuna niychis:
2 “Enemigonchiskuna jamushaqtin, paykuna phawaykamushaqtin,+mana Jehová Dios noqanchiswanchu kashanman karqan chayqa,+
3 llapanchistachá wañuchipuwasunman karqan,+k’araq phiñakuyninkuq atipasqanchá ch’inman tukuchipuwasunman karqan.+
4 Unukunachá apapuwasunman karqan,mayu unuchá millp’upuwasunman karqan.+
5 Manchakuy unuchá p’ampaykuwasunman karqan.
6 Jatunchasqa kachun Jehová Diosqa,paymi jark’aykuwarqanchis phiña animalkuna jina kaq enemigonchiskunamanta.
7 Ayqekuq phalaq animal jinan kanchis,jap’iqpa trampanmanta ayqekuq jinan kanchis.+
Trampan p’akikurqan,jinan noqanchisqa ayqekamurqanchis.+
8 Jehová sutiyoq Diosmi noqanchistaqa yanapawasun,+cielotapas kay pachatapas kamaq Diosmi yanapawasun”, nispa.
