Salmos 74:1-23
Asafpa maskilnin.*+
74 Diosniyku, ¿imaraykun wiñaypaq wijch’upuwankiku?+
¿Imaraykun pastoykipi mijuq ovejakunapaq phiñasqa kashanki?+
2 Yuyariy unayña ajllakusqayki llaqtata,+herenciayki kananpaq librasqayki aylluta.+
Yuyariy tiyasqayki orqota, Sion orqota.+
3 Llapa thunisqa cheqaskunata qhawaykuy.+
Ch’uya kaq partetan enemigo llapanta thunipun.+
4 Qanta cheqnikuqkunan atipasqankumanta juñukuna wasiykipi qaparirqanku.+
Chaypitaq banderankuta señalta jina sayachirqanku.
5 Sach’a-sach’anta hachawan ñanta kichaq runakuna jinan karqanku.
6 Hachakunawanmi barretakunawanmi lliuta ñut’urqanku,llapa thupasqa kaqkunatan p’akirqanku.+
7 Temploykitan ninawan kanaykurqanku,+wasiykitan llapanta thunirqanku,sutiykita apaq wasitan qhellicharqanku.
8 Paykunan wawankunawan kuska sonqonkupi nirqanku:
“Maypichus Diosta yupaychakun chaykunata kanaykusun,jallp’antinpi Diosta yupaychana kaqkunata ruphachisun”, nispa.
9 Manan ima señalpas rikukunchu,manan ni juj profetapas kapunñachu,manan pipas yachanchu jayk’aqkamachus kaykuna kanqa chayta.
10 Diosniyku, ¿jayk’aqkamataq contraykipi kaqkunari k’amikunqaku?+
¿Jayk’aqkaman sutiykitapas mana respetowan qhawarinqaku?+
11 ¿Imaraykutaq paña makiykita paykuna contra mana oqarinkichu?+
Oqllayniykimanta makiykita orqospa paykunata tukuchiy.
12 Noqaq reyniyqa Diosmi,paymi unay tiempomantaña reyniyqa,payllan kay pachapi kamachinkunata libraqqa.+
13 Kallpaykiwanmi lamar-qochata chhafchirirqanki,+unu ukhupi tiyaq manchay animalkunaq umantan ñut’urqanki.
14 Leviatanpa* umantan ñut’urqanki,chaykunatan mijunata jina llaqtaman qorqanki,ch’in aqo pampapi tiyaqkunamanmi qorqanki.
15 Pujyukunatan phullpuchimurqanki,mayukunatan phawachimurqanki;+jatun mayukunatan ch’akichirqanki.+
16 Qanpan p’unchayqa, qanpan tutapas.
Qanmi k’anchaytapas, intitapas ruwarqanki.+
17 Qanmi kay pachaq linderonkunatapas* churarqanki.+
Qanmi q’oñi tiempotapas, chiri tiempotapas paqarichirqanki.+
18 Jehová Diosníy, yuyariy contraykipi kaqkunaq k’amikusqanta,yuyariy mana yuyayniyoq llaqta sutiykita mana respetowan qhawarisqanta.+
19 Urpiykitaqa ama salqa animalkunamanqa qoychu.
Ñak’ariq llaqtaykitaqa ama wiñaypaq qonqapuychu.
20 Yuyariy rimanakuy ruwasqaykita,jallp’aq laqha* k’uchunkunapin mana allin ruwaq runakuna junt’a kashan.
21 Amayá sarunchasqa runaqa p’enqasqachu ni llakisqapaschu kutipuchun.+
Wajchakunapas mana yanapasqakunapas sutiykita jatunchachunku.+
22 Diosnilláy, sayariy, qanrayku justiciata ruway,yachasqayki jina, mana allin runaqa sapa p’unchaymi k’amishasunki.+
23 Ama qonqaychu contraykipi kaqkunaq imachus rimasqankuta.
Contraykipi sayariqkunaq ch’aqwasqanqa janaq pachakamaraqmi chayan.
