Salmos 118:1-29
118 Jehová Diosta “gracias” niychis,payqa sumaq sonqo Diosmi;+mana tukukuq munakuyninqa wiñay-wiñaypaqmi.
2 Israel runakuna nichunku:
“Mana tukukuq munakuyninqa wiñay-wiñaypaqmi”, nispa.
3 Aaronpa miraynin runakuna nichunku:
“Mana tukukuq munakuyninqa wiñay-wiñaypaqmi”, nispa.
4 Jehová Diosta manchakuqkuna nichunku:
“Mana tukukuq munakuyninqa wiñay-wiñaypaqmi”, nispa.
5 Sinchi llakisqa kashaspan Jehová* Diosta wajakurqani,Jehová* Diosqa uyarimuwarqanmi,allin pakakunamanmi apawarqan.+
6 Jehová Diosqa noqawanmi kashan,manan manchakusaqchu.+
¿Imanawanmantaq runari?+
7 Jehová Diosqa noqawanmi kashan,paymi noqaq yanapaqniyqa.*+
Cheqniwaqniykunaq urmasqantan kusisqa qhawasaq.+
8 Runapi confiaymantaqa,Jehová Diospi pakakuymi aswan allinqa.+
9 Autoridadkunapi confiaymantaqa,Jehová Diospi pakakuymi aswan allinqa.+
10 Llapa nacionkunan muyuykuwarqanku,ichaqa Jehová Diospa sutinpin paykunata kutirichirqani.+
11 Tukuy ladoymantan muyuykuwarqanku,Jehová Diospa sutinpin paykunata ayqechirqani.
12 Abejakuna jinaraqmi muyuykuwarqanku,ichaqa kiska-kiskapi nina jinan usqhaylla chinkaripurqanku.
Jehová Diospa sutinpin paykunata qhepaman kutichirqani.+
13 Urmachiyta munaspan tanqarpariwarqanku,ichaqa Jehová Diosmi yanapawarqan.
14 Jehová* Diosmi pakakunayqa, paymi kallpayqa,paymi llapa imamantapas librawaqniyqa.+
15 Chanin runakunaq karpanpiqa kusikuymi kashan,paykunaq librasqa kananku p’unchaymi chayamun.
Jehová Diospa paña makinqa ancha atiyniyoqmi.+
16 Jehová Diospa paña makinqa ancha atiywanmi oqarikushan,Jehová Diospa paña makinqa ancha atiyniyoqmi.+
17 Noqaqa manan wañusaqchu, kausashallasaqmi,chhaynapin Jehová* Diospa imaymana ruwasqankunata willasaq.+
18 Jehová* Diosmi sinchita castigawarqan,+ichaqa manan wañuymanqa entregawarqanchu.+
19 Chaninchay punkukunata kicharipuwaychis,+Jehová* Diosta alabaqmi chayninta jaykusaq.
20 Chay punkuqa Jehová Diospa punkunmi,chaynintan chanin runakunaqa jaykunqaku.+
21 Diosnilláy, qanllatan jatunchasayki,qanqa uyarimuwarqankin,+ librawarqankin.
22 Perqaqkunaq wijch’usqan rumin
esquina jap’iq jatun kaq rumi kapun.+
23 Chayqa Jehová Diosmantan jamun,+ancha munaytaqmi noqanchispaqqa.+
24 Chay p’unchaytan Jehová Dios churan,chay p’unchayqa may kusisqan kasunchis.
25 ¡Jehová Diosniyku, ama jinachu kay, librawayku!
¡Jehová Diosniyku, ama jinachu kay, atipachiwayku!
26 Sumaq qhawarisqa kachun Jehová Diospa sutinpi jamuqqa;+Jehová Diospa wasinmantan qankunata bendecisaykiku.
27 Jehová Diosllan Diosqa,paymi k’anchay qowaqninchisqa.+
K’allma jap’intinkama fiestapi puriychis,+altarpa waqrankunakama riychis.+
28 Qanmi Diosniyqa kanki, qanllatan alabasayki.
Diosnilláy, qanllatan noqaqa jatunchasayki.+
29 Jehová Diosta “gracias” niychis,+payqa sumaq sonqo Diosmi;mana tukukuq munakuyninqa wiñay-wiñaypaqmi.+
Uraypi willakuykuna
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa yaqapaschá “payqa yanapaqniykunawan kuskan kashan” nillanmantaq.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
