Salmos 10:1-18
ל [lámed]
10 Jehová Diosníy, ¿imaraykun karullamanta qhawamunki?
¿Imaraykun sinchi llakikuy tiempopi pakakunki?+
2 Millay runaqa jatunchakuq kayninpin mana piniyoqta qatikachan,+ichaqa mana allin yuyaykusqanqa payllapaqtaqmi kanqa.+
3 Millay runaqa sonqonpa imachus munasqanmantan alabakun,+qhapaq kayman sonqollikuqtan bendecin,*נ [nun]Jehová Diostapas manan respetanchu.
4 Millay runaqa jatunchakuq kayninpin mana imatapas t’aqwirinchu,payqa “manan Diosqa kanchu” nispallapunin sonqonpiqa nishan.+
5 Ima ruwasqanpas allillanpunin lloqsin,+chhaynapitaq chaninchayniykikunataqa mana reparaqpas tukunchu,+enemigon runakunatapas asikuspan qhawarin.
6 Sonqonpin nishan: “Manan jayk’aqpas imapas pasawanqachu,*manan jayk’aqpas ima llakipipas tarikusaqchu,+watan-watanpas allillanmi kasaq”, nispa.
פ [pe]
7 Siminpiqa ñakayllan, llullakuyllan, amenazayllan kashan,+qallunpiqa ñak’arichiyllan, mana chanin rimayllan kashan.+
8 Llaqta qayllakunapin payqa pakallapi suyapakushan,*pakakusqanmanta lloqsimuspan mana juchayoqta wañuchin.+
ע [ayin]
Ñawinqa ima jinaraqmi qhawashan pitapas wañuchinanpaq.+
9 León jinan pakakunanpi* suyapashan,+ima jinallañan mana piniyoqta qhawashan,jap’inan llikata wisq’aspataq payta apapun.+
10 Jap’isqaqa ñit’isqan, mana kallpayoqmi tarikapun;mana kallpayoqkunan paypa makinmanqa urmanku.
11 Sonqonpin nin: “Diosqa qonqapunmi,+manan payqa kaykunataqa rikunmanchu,*manan payqa imatapas rikunchu”,+ nispa.
ק [qof]
12 Diosníy Jehová, sayariy.+ Diosnilláy, makiykita oqariy;+amayá jayk’aqpas mana piniyoqkunataqa qonqankichu.+
13 ¿Imaraykutaq millay runari Diosta mana respetanchu?
Sonqonpin nishan: “Qanqa manan cuentataqa mañawankimanchu”, nispa.
ר [resh]
14 Qanqa rikushankin ima desgraciatapas ima llakitapas.
Chaykunata rikuspan allichanki.+
Qanmanmi jamusunki ima desgraciapipas tarikuqqa,+qanmi mana taytayoq wajchakunataqa yanapanki.+
ש [shin]
15 Millay runaq makinta p’akiy, paypa atiyninta tukuchiy,+chhaynapin mana allin ruwasqantaqa manaña tarinkichu,maskhaspaqa manañan rikunkichu.
16 Jehová Diosqa wiñay-wiñaypaqmi rey kanqa.+
Kay pachapi millay nacionkunaqa chinkachisqañan kapun.+
ת [taw]
17 Diosníy Jehová, qanqa llamp’u sonqo runakunaq mañakusqantan uyarinki,+qanmi paykunata kallpachanki,+ makillan kashanki yanapanaykipaq.+
18 Mana taytayoqkunapaqmi, sarunchasqakunapaqmi justiciata ruwapunki,+kay pacha runakunaqa manañan paykunata manchachinqakuchu.+
Uraypi willakuykuna
^ Chaypiqa yaqapaschá “qhapaq kayman sonqollikuqqa pay kikintan bendecikun” nillanmantaq.
^ Chaypiqa “Manan jayk’aqpas kinray-kinrayqa sayasaqchu” nillanmantaqmi.
^ Suyapaytaqa “suyaykuy” nillankutaqmi.
^ Chaypiqa “sach’a-sach’a ukhupi” nillanmantaqmi.
^ Chaypiqa “Diosqa uyantan kutirin” nillanmantaqmi.
