Salmos 84:1-12
Takiqkunata pusariqpaq. Guitij* nisqamanta. Corepa churinkunaq takin.+
84 Ejercitokunata kamachiq Jehová Diosníy,¡may sumaqpunin, may munaypunin ancha jatun karpaykiqa!+
2 Maytan munashani Jehová Diospa pationpi kayta,chaypi piensaqtiymi sonqoyraq chiriyayta munan.+
Tukuy sonqoywanmi, tukuy kallpaywanmi kausaq Diospa ñaupanpi qaparini.
3 Ejercitokunata kamachiq Jehová Diosníy,¡Diosnilláy, reynilláy!
Phalaq animalpas chaypin wasichakun,golondrinapas chaypin q’esachakun, chaypin malqonkunata* uywan,altarniyki qayllapin paykunaqa tiyanku.
4 ¡May kusisqan wasiykipi tiyaqkunaqa!+
Paykunaqa tukuy tiempon jatunchashasunkiku.+ (Séla).
5 May kusisqan kallpaykita chaskiq runakunaqa,+sonqomantapuni wasiykiman riq ñanninta puriyta munaqkunapas.
6 Bacá nisqa sach’a-sach’a wayq’onta chimpaspan,chay pampakunata unu pujyuman tukuchinku,ñaupaq parapas allintan chay pampakunata qarpan.
7 Purisqankuman jinan paykunaqa aswan kallpawan purinku.+
Sapankankun Sionpi Diospa ñaupanman asuykunku.
8 Ejercitokunata kamachiq Jehová Diosníy, uyariy mañakusqayta,Jacobpa Diosnin, uyarimuy wajakusqayta. (Séla).
9 Diosniyku, jark’aykuwaqniyku escudo,+ qhawarimuy,ajllakusqaykiq uyanta qhawarimuy.+
10 ¡Aswan allinqa patioykipi juj p’unchayllapas kaymi waranqa p’unchay juj ladopi kaymantaqa!+
Noqapaqqa Diosniypa wasin punkupi kaymi aswan allin millay runakunaq karpanpi tiyaymantaqa.
11 Jehová Diosmi intipas,+ jark’aykuq escudopas;+payqa khuyapayakuq Diosmi, jatunchaq Diosmi.
Jehová Diosqa manan ima allintapas jark’anqachu tukuy sonqowan serviqninkunamantaqa.+
12 Ejercitokunata kamachiq Jehová Diosníy,¡may kusisqan qanpi confiaq runaqa!+
Uraypi willakuykuna
^ Malqotaqa “chiuchi” nillankutaqmi.
