Salmos 136:1-26
136 Jehová Diosta “gracias” niychis,payqa sumaq sonqo Diosmi;+mana tukukuq munakuyninqa* wiñay-wiñaypaqmi.+
2 Dioskunaq Diosninta “gracias” niychis,+mana tukukuq munakuyninqa wiñay-wiñaypaqmi.
3 Señorkunaq Señorninta “gracias” niychis,mana tukukuq munakuyninqa wiñay-wiñaypaqmi.
4 Payllan ancha jatun ruwaykunataqa ruwan,+mana tukukuq munakuyninqa wiñay-wiñaypaqmi.+
5 Allin yachaywanmi cielotapas ruwarqan,+mana tukukuq munakuyninqa wiñay-wiñaypaqmi.
6 Unukuna patapin jallp’ata mast’arirqan,+mana tukukuq munakuyninqa wiñay-wiñaypaqmi.
7 Paymi jatun k’anchaykunata kamarqan,+mana tukukuq munakuyninqa wiñay-wiñaypaqmi.
8 Intitan kamarqan p’unchaypi kamachikunanpaq,+mana tukukuq munakuyninqa wiñay-wiñaypaqmi.
9 Killata ch’askakunatawanmi kamarqan tutapi kamachikunankupaq,+mana tukukuq munakuyninqa wiñay-wiñaypaqmi.
10 Egiptopi phiwi kaqkunatan wañuchirqan,+mana tukukuq munakuyninqa wiñay-wiñaypaqmi.
11 Israeltan Egiptomanta orqomurqan,+mana tukukuq munakuyninqa wiñay-wiñaypaqmi.
12 Jatun atiyninwanmi, kallpasapa makinwanmi orqomurqan,+mana tukukuq munakuyninqa wiñay-wiñaypaqmi.
13 Puka lamar-qochatan iskayman t’aqarqan,+mana tukukuq munakuyninqa wiñay-wiñaypaqmi.
14 Israeltan chay chaupinta chimpachimurqan,+mana tukukuq munakuyninqa wiñay-wiñaypaqmi.
15 Faraonta soldadonkunatawanmi Puka lamar-qochaman wijch’uykurqan,+mana tukukuq munakuyninqa wiñay-wiñaypaqmi.
16 Ch’in lado pampantan llaqtanta pusamurqan,+mana tukukuq munakuyninqa wiñay-wiñaypaqmi.
17 Jatun reykunatan atiparqan,+mana tukukuq munakuyninqa wiñay-wiñaypaqmi.
18 Atiyniyoq reykunatan wañuchirqan,mana tukukuq munakuyninqa wiñay-wiñaypaqmi.
19 Amorreo runakunaq reynin Sehontan+ wañuchirqan,mana tukukuq munakuyninqa wiñay-wiñaypaqmi.
20 Basanpi rey Ogtan+ wañuchirqan,mana tukukuq munakuyninqa wiñay-wiñaypaqmi.
21 Paykunaq jallp’antan herenciapaq qorqan,+mana tukukuq munakuyninqa wiñay-wiñaypaqmi.
22 Kamachin Israelpa herencianmi kapurqan,mana tukukuq munakuyninqa wiñay-wiñaypaqmi.
23 May llakisqa kashaqtinchismi yuyariwarqanchis,+mana tukukuq munakuyninqa wiñay-wiñaypaqmi.+
24 Sapa kutillanmi enemigonchiskunamanta librawarqanchis,+mana tukukuq munakuyninqa wiñay-wiñaypaqmi.
25 Paymi llapa kausaqkunata mijuchin,+mana tukukuq munakuyninqa wiñay-wiñaypaqmi.
26 Janaq pacha Diosta “gracias” niychis,mana tukukuq munakuyninqa wiñay-wiñaypaqmi.
Uraypi willakuykuna
^ Qhaway Explicasqa simikuna nisqapi “Mana tukukuq munakuy” nisqata.
