Salmos 16:1-11
Davidpa takin.*
16 Diosníy, pakaykuway,qanpin noqaqa jap’ipakuni.+
2 Jehová Diostan nirqani:
“Jehová Dios, qanqa tukuy allin kaqta qowaqniymi kanki.
3 Kay pachapi ch’uya kaqkunaqa kusichiwanmi,kay pachapi respetana kaqkunaqa may allinmi kanku”,+ nispa.
4 Idolokunaq qhepanta puriqkunaqa llakikuyninkutan yapashanku.+
Manan jayk’aqpas yawar ofrendakunataqa jaywasaqchu,manan jayk’aqpas paykunaq sutintaqa* rimarisaqchu.+
5 Jehová Diosmi noqaq kaqniyqa,paymi noqaman tupaq herenciayqa,+paymi bendicionkunata chaskinay copaqa.+
Qanmi herenciaytaqa pakaykunki.
6 Tupawaq herenciaqa may sumaqmi,may kusisqan kashani chay herenciawan.+
7 Jehová Diostan jatunchasaq,yuyaychaqniytan alabasaq.+
Piensasqaykunapas* allintan yuyaychawan,+piensasqaykunaqa tutapipas yachachiwanmi.
8 Jehová Diosqa tukuy tiempon piensayniypi kashan.+
Payqa paña ladoypin kashan, manan imapas kuyurichiwanqachu.+
9 Chayraykun sonqoyqa kusisqa kashan,may kusisqapunin kashani.
Mana imata manchakuspan thaj kausani.
10 Manan Sepulturapiqa* saqerpariwankichu,+manan tukuy sonqowan serviqniykitaqa t’oqopiqa saqerparinkichu.*+
11 Kausay ñantan reqsichiwanki.+
Sumaqta qhawariwasqaykiqa may kusikunapaqmi,+paña ladoykipiqa wiñaypaqmi kusikuy kanqa.
