Salmos 5:1-12
Takiqkunata pusariqpaq. Nehiloj* nisqapaq. Davidpa takin.
5 Diosníy Jehová, wajakusqayta uyariykuway,+llakisqa kasqayta qhawarimuway.
2 Diosníy, auxilio mañakusqayta uyarimuway.
Reyníy, qantan wajakamushayki.
3 Jehová Diosníy, tutamantanmi llakikuyniyta willakusayki,+tutamantanmi kunkayta uyarimunki,+noqataq makilla suyakusaq kutichimuwanaykita.
4 Qanqa manan mana allinwan kusikuq Dioschu kanki,+millay runaqa manan ladoykipiqa kanmanchu.+
5 Jatunchakuq runapas manan ñaupaykipiqa sayanmanchu.
Qanqa cheqnikunkin mana allin ruwaqtaqa.+
6 Llullakuspa rimaqkunata tukuchiq Diosmi kanki.+
Jehová Diosqa cheqnikunmi maqanakuyman jaykuq runataqa,payqa cheqnikunmi engañaq runatapas.+
7 Noqan ichaqa mana tukukuq jatun munakuyniykirayku+ wasiykipi kashasaq,+ancha manchakuywanmi ch’uya wasiyki ladoman qonqorikusaq.+
8 Diosníy Jehová, askhan contraypi kashanku,chayrayku chanin ñanniykipi purichiway,ama piqpa jark’asqan chay ñanta pusariway.+
9 Paykunaq siminqa manan confianapaq jinachu,sonqonkupiqa mana allin ruwaykunallan kashan,siminkuqa aya p’ampana jinan kicharayashan,qallunkupas q’otukuq misk’i simikunatan riman.+
10 Ichaqa Diosmi paykunata juchachanqa,mana allinkuna yuyaykusqallankutaqmi urmachinqa.+
Mana allin ruwasqankumanta wijch’usqa kachunku,qan contra jatarisqankumanta qonqasqa kachunku.
11 Qanpi pakakuqkunaqa kusisqan kanqaku,+ladoykipi kaqkunaqa kusikuymantan qaparinqaku.
Qanmi paykunata waqaychanki,sutiykita munakuqkunaqa qanwanmi kusikunqaku.
12 Jehová Diosníy, qanmi chanin runakunata bendecinki,qanmi paykunata sumaqta qhawarinki,jatun escudowan jinan pakaykunki.+
