Salmos 129:1-8
-
Mana atipasqa kaymanta
-
Sionta cheqnikuqkuna p’enqaypi tarikunankumanta (5)
-
Wichanapaq taki.
129 “Wayna kasqaymantapachan noqa contra sayarishanku”.+
Kunanqa qankunañataq Israel runakuna niychis:
2 “Wayna kasqaymantapachan noqa contra sayarirqanku,+ichaqa manan atipawarqankuchu.+
3 Aradoq pasasqanta jinan wasayta ruwawanku,+jatun wachukunatan wasaypi ruwawanku”, nispa.
4 Jehová Diosqa chanin Diosmi,+millay runakunaq waskhantan k’utuchin.+
5 Paykunaqa p’enqaypin tarikunqaku,pisichasqan qhepaman kutirinqaku,llapa Sionta cheqnikuqkunan chhaynapi tarikunqaku.+
6 Wasi patapi qora jinan kanqaku,chay qoraqa manaraq t’irasqa kashaspan ch’akipun,
7 manan oqariqpa makinmanpas junt’anchu,manan cosechaqpa marq’ayninmanpas junt’anchu.
8 Chayninta puriqkunaqa manan mayqenpas ninqachu:
“Jehová Diospa bendicionninqa qankunapi kachun,Jehová Diospa sutinpin qankunata saminchaykiku”, nispaqa.
