Salmos 58:1-11
-
Kay pacha juzgaq Diosmanta
-
Millay runakuna castigasqa kanankupaq mañakuymanta (6-8)
-
Takiqkunata pusariqpaq. “Ama ñut’uychu”* nisqaman jina. Davidpa takin. Mijtan.*
58 ¿Imaraykun ch’inlla kankichis chanin kaqmanta rimanaykichis kashaqtin?+
Runaq churinkuna, ¿acaso qankuna yachankichischu chanin kaywan juzgayta?+
2 Sonqoykichisqa mana chaninllatan yuyaykushan,+qankunaqa pachantinpin maqanakuyllata jatarichishankichis.+
3 Millay runakunaqa nacesqankumantapachan* mana allin kanku,nacesqankumantapachan llulla kanku, mana allin ñanllapin purinku.
4 Rimayninkupas mach’aqwaypa venenon jinan,+cobra mach’aqway jinan mana uyarikuqkuna kanku.
5 Chay mach’aqwayqa manan uyarinchu layqakunaq kunkantaqa,allin layqaqkunaña kanman chaypas manan uyarinchu paykunataqa.
6 Diosnilláy, ¡paykunaq kirunta p’akiy!
Jehová Diosníy, ¡chay leonkunaq qhaqllinta* ñut’uy!
7 Ch’umasqa unu jina chinkaripuchunku.
Flechankunawan Diosqa chay runakunata kumpachun.
8 Purisqanpi chullupuq, purisqanpi unuyapuq ch’uru jina kachunku,intita mana jayk’aq rikuq wawa jina, wañusqa naceq wawa jina kachunku.
9 Mankaykichis manaraq q’oñirishaqtinmi,sansaq ruphasqanwan manaraq q’oñirishaqtinmi,Diosqa q’omer ramakunata raurashaq ramakunatawan apapunqa,sinchi wayra jinan llapanta apapunqa.+
10 Chanin runaqa millay runakunaman vengakuy chayamuqtinmi kusikunqa,+chay millay runakunaq yawarninpin purinqa.+
11 Jinan runakunaqa ninqaku:
“Chanin runapaqqa kanpunin premioqa.+
Kay pachata juzgaq Diosqa kanpunin”,+ nispa.
