Enne Bibel schrift daut nich bloos von daut, waut ieeschtemma jewast es, oba uk von daut, waut noch komen woat. Doawäajen weet wie, daut de Bibel von Gott es, wiels Menschen kjennen daut nich verutsajen. Waut sajcht de Bibel dan, waut noch komen woat?

Dee schrift von eenen grooten Kjrich von Gott. En disen Kjrich woat Gott met aul daut schlajchte oppe Ieed een Enj moaken un aule beese Menschen venichten. Oba dee, waut am deenen, woat hee beschitzen. Gott sien Kjennich, Jesus Christus, woat doano seenen, daut Gott siene Deena woaren kjennen schaftich un en Fräden läwen. Dee woaren uk nich mea krank woaren uk nich stoawen.

Gott woat hia oppe Ieed wada een Paradies moaken. Es daut nich scheen? Oba wan wie en dit Paradies läwen wellen, mott wie uk waut doonen. En de latste Jeschicht woa wie seenen, waut wie doonen motten, daut wie kjennen daut scheene beläwen, waut Gott fa siene Deena em Senn haft. Läs wie nu mol daut Poat #8. Mol seenen, waut de Bibel sajcht, waut noch komen woat.