Vebreed de goode Norecht!
Kongress von Jehowa siene Zeijen 2024
Doa brukt nuscht betolt • Doa woat nich Jelt jekollakjt
Waut daut doa jäwen woat
Friedach: De goode Norecht äwa Jesus, waut en de Evangelien oppjeschräwen es, es eene krakjte Jeschicht von dän sien Läwen. See, waut daut fa Bewies doafäa jeft un woo dise Bibelbieekja ons vondoag dän Dach halpen kjennen.
Sinowent: Waut wia äwa Jesus siene Jeburt un siene Kjintheit verutjesajcht? Un woo haben dise Profezeiungen sikj erfelt?
Sindach: Doa woat eene biblische Räd sennen met dän Tietel: “Wuarom wie nich Angst haben fa schlajchte Norechten”. Doa woat jewäsen woaren, wuarom millionende Menschen vondoag dän Dach sikj nich brucken too väl Sorjen moaken un eene Hopninj haben, wan daut enne Welt uk emma schlemma woat.
Een langet Video
De goode Norecht äwa Jesus: 1. Video
Daut woare Licht kjemt enne Welt nenn
Jesus wort derch een Wunda jebuaren. Dit wia daut ieeschte von een deel butajeweenelje Sachen, waut en siene Kjintheit passieeden. Siene Elren musten am no Ägipten brinjen, wäajen een sea schlajchta Kjennich am dootmoaken wull. Lota wieren eenje von de väaschte Liera to siene Tiet äwa am vewundat. Bie daut lange Video woa wie dit un uk aundre Sachen seenen, waut Jesus beläwd. Dit Video woat Friedach un Sinowent en twee Halften jewäsen woaren.
Kjikj de Kongress-Videos von dit Joa
Woo sent onse Kongressen?
Hia kaust du utfinjen, woo daut es, wan du opp eenen Kongress von Jehowa siene Zeijen best.
Kongress von Jehowa siene Zeijen 2024: Vebreed de goode Norecht!
Finj ut, om waut daut Kongress-Program fa dit Joa jeit.
Poatjes von daut lange Video: De goode Norecht äwa Jesus
Väle weeten, daut Jesus derch een Wunda jebuaren es. Oba waut passieed ea un no dise butajeweenelje Jeburt?