Trigj nom Enhault

“LEEW HAFT KJEEN ENJ”!

Kongress von Jehova siene Zeijen 2019

Wie loden junt en, no dän dreedoagschen Kongress to komen, waut Jehova siene Zeijen dit Joa haben woaren.

BESONDRET OPP DISEN KONGRESS

  • Friedach: Doa woa jie lieren, waut daut bediet, daut de Leew kjeen Enj haft. Seet, woo jie june Leew stoakjen kjennen, wan jie uk eene schwoare Kjintheit jehaut haben ooda eene schlajchte Jesuntheit haben ooda oam sent. En miere korte Videos woa jie Gott siene Leew en de Natua beoobachten kjennen.

  • Sinowent: Doa woa jie lieren, woo biblische Gruntsauzen Ehemana, Ehefrues un Kjinja halpen, Leew to wiesen, waut kjeen Enj haft.

  • Sindach: De biblische Räd fa aulemaun haft daut Teema “Wua kaun eena en dise Welt, waut voll Hauss es, woare Leew finjen?” Dee woat wiesen, woo de Leew millionende Menschen oppe gaunze Welt halpt, kjeenen Unjascheet mea manke Menschen to moaken un aundre nich mea to haussen.

  • Een Film: Josia von de Bibeltiet woss mank Menschen opp, waut sea schlajcht wieren. Un doch wort hee fa “siene goode Woakjen” bekaunt (2. Chronik 35:26). Sinowent un Sindach kaust du doatoo de beid Poat von dän Film seenen De Jeschicht von Josia: Leew Jehova; hauss daut beese.

  • Besondre Jast: No väle von dise Kongressen woaren Missionoaren un Jast von aundre Lenda komen. Doa kjenn jie seenen, woo de Leew de Menschen veeent, endoont von woone Rauss, Volkj ooda Launt dee sent.

DOA BRUKT NUSCHT BETOLT

DOA WOAT NICH JELT JEKOLLAKJT

Beseet junt daut Programblaut un kjikjt een Video, woo daut opp onse Kongressen es.

En diene Omjäajent sieekjen