Trigj nom Enhault

2024

Daut Aundenkjen aun Jesus sienen Doot

Waut kaun Jesus sien Opfa fa die bedieden?

Wie loden die to twee Toopkomes en, waut emsonst sent:

  • De besondre biblische Räd “De Doodes woaren oppstonen un Gott woat dän Doot wajchnämen”

  • Daut Aundenkjen aun Jesus sienen Doot

Daut Aundenkjen aun Jesus sienen Doot

Sindach, dän 24. Moaz 2024

Eemol daut Joa vesaumlen Jehowa siene Zeijen sikj, om aun Jesus sienen Doot to denkjen. Dit doo wie, wiels Jesus säd: “Doot dit emma wada, om aun mie to denkjen” (Lukas 22:19).

Kjikj, wua daut sennen woat

BESONDRE BIBLISCHE RÄD

“De Doodes woaren oppstonen un Gott woat dän Doot wajchnämen”

Dise Räd woat aun een Wäakjenenj ver daut Aundenkjen aun Jesus sienen Doot jehoolen. Doa woat utjelajcht, waut daut Oppstonen vom Doot fa die un diene leewe Aunjehieeje bedieden kaun.

Waut foaken jefroacht woat

Woo lang dieet dit Toopkomen?

Daut woat ojjefäa eene Stund dieren.

Wua woat daut sennen?

Froag eent von Jehowa siene Zeijen, wua daut en diene Jäajent sennen woat.

Mott doa waut fäa betolt?

Nä.

Woat doa Jelt jekollakjt?

Nä, Jehowa siene Zeijen doonen bie äare Toopkomes nienich Jelt kollakjten.

Woo mott eena sikj auntrakjen?

Eena brukt nich uzhent Kjleeda doafäa haben, oba Jehowa siene Zeijen hoolen sikj aun biblische Gruntsauzen un trakjen sikj aunstendich un schmock aun (1. Timotäus 2:9). Daut brucken nich diere ooda grootsche Kjleeda sennen.

Waut woat bie daut Aundenkjen jedonen?

Daut Toopkomen fangt met een Leet un een Jebäd aun un hieet uk soo opp. Daut Jebäd woat von eent von Jehowa siene Zeijen jesajcht, waut doafäa aunjestalt es. Doa woat eene Räd jehoolen äwa woo wichtich Jesus sien Doot es un woo ons daut togood kjemt, waut Gott un Christus fa ons jedonen haben.

Wanea woat dit Aundenkjen noch jehoolen?

2024: Sindach, dän 24. Moaz

2025: Sinowent, dän 12. Aprell

2026: Donnadach, dän 2. Aprell

Du kaust noch mea en dän Artikjel läsen: “Wuarom fieren Jehowa siene Zeijen daut Owentmol aundasch aus aundre Gloowes?

Wan du mea weeten west, dan kjikj de Videos, waut hia aunjejäft sent.

Denkjt aun Jesus sienen Doot

See, waut fa scheenet Jesus sien Doot noch mol mäajlich moakt.

Wuarom must Jesus stoawen?

Veleicht hast du mol jehieet, daut hee fa onse Sinden storf. Oba woo kaun eenen Mensch sien Läwen millionende Menschen togood komen?

Hia kaust du eene jedrekjte Utgow von dise Enlodunk raufloden.