Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Mien Buak met Bibeljeschichten

 JESCHICHT #5

Een schwoaret Läwen fangt aun

Een schwoaret Läwen fangt aun

AUS Adam un Eva ieescht nich mea em Goaden Eden wieren, hauden see daut sea schwoa. See musten sea schaufen, daut see to äten hauden. Enne Städ scheene Fruchtbeem wossen doa väl Spekjasch un Onkrut. Dit aules wia doawäajen, wiels Adam un Eva Gott nich jehorcht hauden un nich mea siene Frind wieren.

Oba noch schlemma wia, daut see met de Tiet musten stoawen. Gott haud je an jesajcht, see wudden stoawen, wan see wudden von dän eenen Boom äten. Krakjt soo wort daut uk. Von dän Dach aun, aus see doavon eeten, worden see langsom oolt, un tolatst storwen see. Wia daut nich onkluak, daut see nich no Gott jehorcht hauden?

Adam un Eva hauden mau dan Kjinja, aus Gott an ieescht haud ut dän Goaden Eden rutjeschekjt. Doawäajen worden äare Kjinja uk oolt un storwen.

Wan Adam un Eva doch bloos hauden no Jehova jehorcht! Dan haud an un äare Kjinja daut väl scheena jegonen. Dee hauden aula kunt fa emma schaftich oppe Ieed läwen. Kjeena haud durft oolt ooda krank woaren un stoawen.

Gott well oba haben, de Menschen sellen fa emma schaftich läwen. Hee haft vesproaken, eenen Dach woat daut soo sennen. Dan woat de gaunze Ieed schmock loten un de Menschen woaren aula jesunt sennen. Aule woaren unjarenaunda goode Frind sennen un woaren uk Gott siene Frind sennen.

Eva oba wia nich mea een Frint aun Gott. Un soo must see äare Kjinja met väl Weedoag un Lieden to Welt brinjen. Eva haud daut sea schwoa, wiels see Jehova nich jehorcht haud, jleefst du nich uk?

Adam un Eva hauden väle Säns un Dajchta. Äa ieeschta Sän heet Kain un äa tweeda heet Abel. Weetst du, woo sikj daut met Kain un Abel romneem?

1. Mose 3:16-23; 4:1-2; Openboarunk 21:3-4