Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Mien Buak met Bibeljeschichten

 JESCHICHT #2

Een wundascheena Goaden

Een wundascheena Goaden

KJIKJ mol, woo schmock de Ieed nu lat! Daut Graus, de Beem, de Bloomen un aul de Tieren! Kaust du de Eelefaunts un de Leiws seenen?

Woo kjeem dis wundascheena Goaden tostaund? Well wie mol seenen, woo Gott de Ieed fa ons reedmuak.

Daut ieeschte muak Gott jreenet Graus toom de Ieed bedakjen. Hee muak uk aulahaunt kjliene Plaunten, Bescha un Beem. Dee moaken de Ieed schmock un väle doavon jäwen ons uk scheene Frucht.

Lota muak Gott de Fesch, waut doa em Wota schwamen, un de Väajel, waut doa enne Loft flieejen. Hee muak uk Hunj, Kauten un Pieed, groote un kjliene Tieren. Waut fa Tieren jeft daut doa, wua du wonst? Es daut nich scheen, daut Gott dit aules fa ons jemoakt haft?

Tolatst muak Gott daut opp eene Städ besonda scheen. Daut nand hee dän ‘Goaden Eden’. Doa fäld daut aun rein nuscht un dee wia eefach wundascheen. Gott wull haben, de gaunze Ieed sull soo schmock woaren, aus dis Goaden wia.

Oba kjikj die daut Bilt noch eemol jescheit aun. Gott sach, daut doa noch waut fäld. Weetst du, waut daut wia? Well wie mol seenen.

1. Mose 1:11-25; 2:8-9